Reportajen David da Costa
Suspeitu nain haat ne’ebe maka halo violsaun seksuál hasoru vitima FCL (16), suspeitu ida naran inisial JGPdR iha hela nasaun Indonesia, maibé Polisia Nasional Timor-Leste (PNTL) sei servisu hamutuk ho adidu seguransa no imigrasaun hodi lori fila suspeitu ne’e.
Porta-Vos Seguransa Ministériu Interiór (MI) Superintedente Assitente Polisia, Mouzinho Tavares Correia, hatete, Kazu ne’ebe maka durante iha semana ida ne’e viral loos, parese media sira akompanha liu-liu video ne’ebe maka viral iha media sosial. No polisia liu-husi komandu Munisipiu Dili iha parte Vulnerable Persons’ Unit (VPU) halo ona intervensaun no kazu ne’e submete ona ba iha Ministeriu Publiku.
Maibé parte husi Polisia Nasional Timor-Leste (PNTL) seidauk bele Halo detensuan ba suspeitu nain haat ne’ebe maka halo violasaun seksuál hasoru vitima vitimia FCL (16), tanba iha kazu ne’e seidauk priense parante dialeitu, maibé supeitu hirak ne’e idenfikadu hotu ona.
“Kazu ne’e tanba ita aplika situasaun ne’ebe-ke iha ne’e la priense parante dialetu, entaun ita aplika fora de parante dialetu, entaun prosesu ne’e iha dia 20 janeiru 2026 submete ona ba iha MP ho Numeru prosesu Nuc 0017/26 DINFT no supeitu idenfikadu hotu,” dehan Porta-Vos Seguransa Ministériu Interiór (MI) Superintedente Assitente Polisia, Mouzinho Tavares Correia liu-husi konferensia imprensa iha MI kaikoli, Kinta 22/01.
Nia haktuir, Iha kazu refere supeitu sira ne’e idade kuase hanesan hotu, no Polisia bolu ona suspeitu nia inan ho aman sira hodi fó atensaun, Maibé atu hatan ba iha prosesu sira tuir mai ne’e supeitu ho vitima sira maka ba hatan laos inan ho ama sira maka ba hatan fali prosesu ne’e.
“Ita tenke halo separasaun entre individu ida ho indivudu seluk, tanba prosedimentu krime, ema ida mesmu hau nia oan rasik involve ita labele lori fali nia inan aman sai fali supeitu ne’e laiha, espetu kazu sira ne’ebe menoridade, inan mana sira ita bolu mai para atu akompanha deit, mas prosesu prosedimentu labele kona fali nia inan aman ho ema seluk. Ne’ebe nafatin, se maka supeitu nia maka nafatin enfrenta prosesu, se maka vitima nia maka nafatin vitima enfrenta prosesu, inan aman komandu bolu ona fó atesaun,” nia esplika.
Supeitu nain haat ne’ebe halo violasaun seksuál hasoru vitimia FCL (16) ne’e seidauk halo detensaun, maibé Polisia Nasional Timor-Leste husu hela mandadu detensaun urjente ba iha Ministeriu Publiku para atu halo detensaun ba supeitu hirak ne’e.
“Investigadór husi VPU Komandu Munisipiu Dili prosesu ne’e la’o tiha ona, depois sei husu tan mandadu detensaun urjente, no vitima iha hela fatin seguru,” nia subliña
Nia salienta, loos duni supeitu ida naran inisial JGPdR dadaun ne’e laiha Timor no agora iha hela Indonesia, maibé polisia sei uza maneira oi-oin atu nune’e suspeitu ne’e fila mai hodi hatan ba iha prosesu.
“Supeitu ne’e ita idenfika ona, se nia ona, ita hein mandadu ne’e sai, tanba kuandu mandadu ne’e seidauk sai ita laiha baze ida, laiha poder ida para haruka ema fila. Mandadu sai maka ita liu ita nia kolega imigrasaun para haruka nia fila fali mai, tanba nia sidadun Timor-Leste, ne’ebe nia nafatin kumpri lei Timor-Leste nian. Kazu akontese iha ne’e, depois nia ema Timor-Leste, hakarak ka lakoi nia tenke mai hatan iha Timor-Leste, ne’ebe nia mai laiha ida inposivel,” nia afirma.
Maibé Kona-ba tua ne’ebe maka supeitu sira fó ba vitima hemu ne’e kaur ho aimoruk ruma, ida ne’e polisia seidauk analiza to’o iha ne’eba, tanba ida ne’e presiza halo analiza mais teknika, presiza alboratoriu ne’ebe maka diak, para bele halo analiza ba amostra sira ne’e, maibé ida mos sei iha prosesu nia laran hotu.
Entretantu Polisia Nasional Timor-Leste (PNTL), liu hosi Ekipa Makikit, kaptura ona adolesente na’in 4 tanba envolve kazu violasaun seksual hasoru vitima FCL (16) ne’ebe kategoria menor idade ne’ebe maka viral iha media sosial.
Hafoin simu keixa no hetan faktus no evidensia hosi vitima, ekipa servisu halo kedas kordenasaun ho ekipa sub seksaun Vulnerable Persons’ Unit (VPU) Munisipiu Dili iha loron sesta feira, 16 janeiru 2026 oras 14:00 otl, no parte investigador VPU kontaktu kedas ba vitima FCL no mos sasin TBCX (16) mai iha fatin VPU hodi presta deklarasaun no buka tuir suspeitu sira ne’e no ikus mai konsege asegura adolesente mane na’in 4 iha sira nia hela fatin.
Iha prosesu kapturasaun ne’e ekipa servisu halo esplikasaun ne’ebé konvensidu ba família suspeitu sira atu koopera ho di’ak hodi la mosu dezentendementu entre família ho autoridade seguransa tanba kazu ne’e envolve labarik sira maioria estudante de’it.
Enkuantu suspeitu hirak ne’e maka hanesan CON alias A (19), JMPA alias M (18), JGFPS alias F (17), GAP alias A (19), JGPdR alias G (18), suspeitu refere ba eskola ona iha Indonezia.
Hafoin asegura suspeitu na’in 4, ekipa servisu transporta no entrega kedas suspeitu sira ba iha VPU tutela Servisu Investigasaun Kriminál (SIK) Munisípiu Dili, hodi halo prosesu investigasaun nune’e bele hatene motivu hosi akontesementu ne’e.