Reportajen Estajiariu Qintiliana Guterres
Sentru Solidariedade Manufahi-Oan Dili (SMD) husu tulun urjenti ba maluk Sira kosta sul ne’ebe afetadu Kompostu husi uma-ka’in atus ida neen-nulu(160) husi Postu Administrativu haat
Manuel da Costa Mesquita hatete, Komunidade iha postu Administrativu Alas,Fatuberliu, Same no Turiscai oras ne’e iha Situasaun susar tebes. Sira Presiza Ai-han, roupa, no nesesidade baziku seluk. SMD labele nonok, tanba ne’e ami lansa kampanha Solidariedade Manufahi-Oan hakarak Tulun Manufahi-Oan. Ami hato’o apelu no nakloke ba ita-boot sira hotu nia laran luak hodi bele estende Liman no fo kontribuisaun urjente.
Ami husu tebes ita-boot sira nia kbiit hodi ajuda kontribui ai-han hanesan foos, produtu instante, sasan nesesidade baziku, hanesan roupa mos kualidade di’ak ba labarik, no adultu, inklui mos Ai-moruk baziku ne’ebe presiza urjente tebes iha baze.
Kampanha kolleta apoiu ne’e sei la’o de’it iha baze rua, iha fulan ida nia laran hahu husi 18 de maio to’o iha 18 junho 2026. Ita-boot sira ne’ebe laran luak hakarak hato’o apoiu, bele mai lori kedas ba Ita nia “Sentru Rekolla” iha Sede FONGTIL, Caicoli,Dili, ka bele kontaktu mos ba ekipa koordenasaun. Ami fiar katak kbiit ki’ik husi ita-boot Sira nia laran luak sei sai naroman no esperansa boot hodi ajuda ita nia maluk sira iha kosta sul hodi hamriik fali ho Esperansa,Dehan Nia.