Reportajen Silvino Freitas
Eis Prezidente Rejiaun Administrativu Espesial Oe-Cusse Ambeno (RAEOA), eis Primeiru Ministru no atual Sekretariu Jeral partidu FRETILIN, Mari Bin Amude Akatiri, iha Segunda (25/05) ohin prestasaun deklarasaun ba akumulasaun projetu sira iha ZEEMS, Mari Alkatiri marka prezensa iha Ministeriu Públiku (MP) bazeia ba notifikasauun ho Numeiru Uniku Krime (NUK) 0036/25.PGGCC ligadu ho kazu Korrupasaun balun ho tipu abuzu poder, fraude fiskal bainhira sei asume kargu hanesan Prezidente RAEOA no ZEESM.
Hafoin remata presta deklarasaun ba jornalista fundador RDTL ne’e dehan, ninia prezensa iha ministeriu públiku hanesan lider ida ne’ebé respeita intituisaun judisial ne’ebé harii tuir lei, tanba ne’e ninia prezensa atu respeita tebes instituisaun judisial nian hodi hametin instituisaun refete nia indepedénsia no pronto resposabiliza no la halai husi tribunál.
“Hau nunka halai husi tribunál nune’e mos ministeriu públiku” dehan eis Prezidente RAEOA-ZEESM no atual Sekretáriu Jerál FRETILIN Marí Alkatiri hafoin remata presta deklarasaun iha ministeriu públiku Colmera Dili, (25/05).
Tuir observasaun jornalista, Eis Primeiru Ministru ne’e too iha edifisiu MP Gabinete Sentrál Korrupasaun no Kombate Krime Organizadu Kolmera iha Prokuradoria Jeral Repúblika, Kolmera, ho oras tuku 9:35 dader karreta privadu xapa matrikula A.21.208 TL,akompaña husi nia eskoltu Korpu Seguransa Pesoál (CSP) no Advogada Privada nain-ida Soraya Marques, hodi la’o tama ba iha Gabinete Sentrál Kombate Korrupsaun no Krime Organizadu (GCCCO) hodi submete ba prosesu ba iha Ministeriu Públiku.