Reportajen Filomen da Conceicao
Governo Timor Leste sei dekreta lutu nasional durante loron 7 ba falesimentu eis Prezidente da Republika Francisco Guterres no sei aluga espesial aviaun Aero Dili hodi transalada mate isin saudozu Francisco Guterres ‘Lu-olo’ husi Malaysia mai Timor Leste iha loron aban.
Primeiru Ministro Interino atual Visi Primeiru-Ministro Mariano Asanami Sabino dehan, governu sei hamutuk halo lutu nasionál durante loron hitu ba falesimentu eis Prezidente da Republika Francisco Guterres ‘Lu-olo’ ne’ebé hakotu ona nia iis iha iha loron 21 junu iha ospitál Malaysia, nune’e lutu nasionál ne’e sei dektreta liuhusi konsellu ministru ekstra ordinaria.
“Ita hotu sei lakon patriota kamaradajem, ita nia komadante no governu orienta ba lideransa ministru nian atu organiza aviaun espesial aban sei too iha ne’e, no ita uza ita nia aviaun Aero Dili ne’e aluga espesial no ema seluk la sae maibe mate isin hamutuk ho familia” dehan visi primeiru ministro Mariano Asanami Sabino liuhusi konferénsia imprensa iha palásiu governu, (22/06).
Nune’e Ministru Asuntu Kombatentes da Libertasaun Nasional (MACLAM ) Gil da Costa ‘Oan-Soru’ hateten, nia hanesan veteranu ida lakon lideransa ne’ebe mak luta durante 24 anos no lideransa ne’ebe nunka hakruuk ba politika invazor sira nian, ba Timor-Leste nia independensia, nune’e eis Prezidente da Republika halo nia tratamentu ba saúde iha loron 23 fulan maio maibe ikus mai akontese notísia ne’ebé diferente katak lider funu nain tinan 24 nee remata ona ninia peregrinasaun iha mundu.
“Agora dadaun Sekretariu Estadu hamutuk ho ninia familia sira iha ninia residensia para atu kontinua, no tuir orientasaun Primeru Ministru em exersisiu ninia konvoka reuniaun konsellu Ministru hodi dekreta lutu nasional ba matebian” dehan MACLAM Gil Oan-Soru.