Reportajen Silvino Freitas
Estudante sira iha fakuldade edukasaun umanidade Universidade Nasionál Timor Lorosa’e infrenta problema kobaransa ilegal no flasifikasaun dokumentu husi nia dosente rasik, nunee sira ejiji ba estrutura universidade maibe la konsidera nune’e estudante sira blokeia prosesu administrasaun iha fakuldade edukasaun umanidade lihusi lori martelu pregu hodi prega odamatan dekanu no administrasaun fakuldade, nune’e laiha solusaun husi parte universidade maka estudante sira ameasa sei blokeia tan reitor nia administrasaun.
Portavoz estudante Eugenio Tilman dehan, asaun pratika aktu kobaransa ilegal husi dosente Alexandra Araujo Timan iha departmentu lian tetun ba nia estudante sira no iha departemento ensinu fisika profesora Maria Delia halo flasifikasaun dokumentu estudante sira nian hodi limita estudante sira labele ba tuir estajiu, nune’e asosiasaun estudantil sira hamutuk ho estudante vitima sira ba halo aprosimasaun ba dosente nain rua ne’e maibe sira ignora tiha asaun sira ne’ebe sira komete no lakohi halo klarifikasaun ba asosiasaun estudantil, husi asaun dosente nian sira konsege ba too iha diretor departamento dekanu too reitor maibé ignora hotu.
“Depois reitor ignora tiha nia halo fali klarifikasaun ida iha media katak problema ne’ebe estudante iha fakuldade edukasaun infrenta ne’e hanesan kanuru ka bikan ne’ebe tarutu iha uma laran, ida nee ita kestiona nia kapasidade hanesan reitor” dehan Portavoz estudante Eugenio Soares Tilman liuhusi konferensia imprensa ne’ebe halo iha kampus Liceu UNTL, (30/06).
Nia dehan tan, iha momentu neeba sira mos halo ona denunsia publika hodi ejize pontu rua maka reitor tenke ho estrutura hamutuk konsellu disiplinar atu suspende emediatamente profesora Alexandra de Araujo Tilman husi nia kargu hanesan dosente iha departemento lian tetun no ejijensia tuir mai maka reitor tenke hasai diretora Delia husi nia kargu hanesan diretora departemento ensinu fisika, husi ejijensia nee sira konsege bolu estudante halo dialogu iha dekanu nia fatin hodi bolu estudante vitima no suspeitu sira mak dosente kometidu sira, maibe profesora Delia la partisipa direita maibe liuhusi via zoom Whatsapp.
“Orseik kontinua ami nia asaun ho greve maka akumula masa hodi blokeia prosesu administrasaun iha fakuldade edukasaun, atu bele parte relevante sira tun mai hodi lalais ba ejijensia ne’ebe estudante sira iha depois responde mak ita loke fali blokeia ne’ebe mak ita halo” dehan estudante.
Antes blokeia estudante sira halo avizu ba fakuldade edukasaun nune’e sira halo blokeia uluk dekanu nia fatin ne’ebe dekanu koopera sai hodi estudante sira savi dekanu nia fatin segundu sira blokeia prosesu administrasaun iha fakuldade edukasaun nia fatin iha kotuk ne’ebe sira halo kooperasun diak ho estudante terseiru sira blokeia mos profesora Alexandra nia fatin iha kooperasaun diak maibe ikus sira atu blokeia departemento ensinu fisika mak mosu dezentendimentu ho profesor ida ne’ebe lakohi koopera ba asaun greve ne’ebe estudante sira halo.
“Estudante barak ne’ebe lori ho material kompletu hanesan martelu pregu hodi prega sira nia fatin” dehan portavoz.
Nia konklui, husi problema ne’ebe estudante sira infrenta mak sira husu atu dekanu ho reitor hamutuk ho estrutura sira atu rezolve lalais liuhusi sira nia ejizensia neebe relata ona, maibe kuandu laiha solusaun husi parte superior universidade nian maka estudante sira ho tendensia boot atu tempu badak sira blokeia ka savi metin magnifiku reitor nia fatin iha sentral tanba laiha kapasidade hodi konsidera problema ne’ebe akontese iha fakuldade edukasaun ne’e hanesan kauza kiik estudante nian.