Reportajen Silvino Freitas
Sersivu Polísia Nasionál liuhusi Diresaun Servisu Investigasaun Kriminal (DSIK) ne’ebé halo operasaun hodi dezmantela servisu krime organizadu internasionál Scam Call Center iha Ruihe Hotel Tibar hodi detein sidadaun estranjeiru nain 61 no sidadaun sira ne’e husi rede krime organizadu ne’ebé autoridade Cambodia dezmantela no sira halai mai Timor Leste hodi kontinua sira nia atividade Scam Online
Portavoz Polísia Suprentidente Xefe João Belo dos Reis dehan, operasaun husi polísia nian ne’ebé halo iha tibar hodi dezmantela servisu krime organizadu internasionál ne’ebé hanaran Scaming Call Center, husi operasaun refere polísia aprezenta ona autos ba minisiteriu públiku no ohin hahú ona primeiru interogatoriu iha tribunál primeira instansia.
“Hotu hotu nain 61 nee ohin ami aprezenta hotu iha ne’ebá hodi tuir primeiru interogatoriu” dehan portavoz polísia Suprentidente Xefe João Belo dos Reis iha komando jerál Kaikoli, (29/06).
Nia dehan tan, servisu krime organizadu ne’ebé parte polísia dezmantela mak iha buat rua mak sentru online game no scaming call center ne’e sentru ne’ebé kriminozu sira halo hodi bosok no lansa informasaun no halo propaganda sira hodi habosok ema, nune’e operasaun ne’ebé halo iha Tibar ne’e husi parte detekta katak sidadaun lubuk ida ne’ebé ho funsaun balun ne’ebé gaña konfiansa husi ema seluk atu sira bele bosok ema.
“Ita bele hateten sira halo buat rua ne’e dalaida prosesu investigasaun sei termina ka halo buat ida hodi taka ida seluk, iha informasaun ne’ebé ita hetan husi inisiu kedas sira ne’e autor sira ne’ebé autoridade Cambodia dezmantela sira iha sira nia nasaun sira halai mai halo opersaun iha ita nia nasaun no ita mos halo tracking ba sira nia viajen maioria 90 pursentu autor sira ne’ebé detein agora ne’e eis pemain husi Cambodia nian” dehan portavoz polísia João Belo dos Reis.
Nia dehan tan, operasaun ne’ebé halo konsege priende evidensia sira hanesan komputador, telefone, router, starlink, no kadaira meza sira ne’ebé maka uza ba atividade krime refere, nune’e dadaun polísia dada ona police line atu ema seluk labele asesu durante prosesu ne’e la’o, nune’e entre sidadaun sira ne’ebé detein ona polísia hamutuk ho ofisiál migrasaun rekolla oan sira nia passporte ne’ebé entrega ba servisu migrasaun atu bele verifika visa husi sidadaun sira.
“Antes DSIK tun ba halo operasaun iha kadeira ho komputador lubuk ida mamuk ema nain laiha ne’ebá, sira husik fatin servisu antes ita labele hatene maibe prosesu investigasaun sei lao” konklui portavoz polísia Suprentidente Xefe João Belo dos Reis.
