Dili- Eskola Publiku 12 de Outubro, ho kondisaun ne’ebe la dun diak, kadera eskola ne’ebe komesa at, haris fatin ne’ebe la dun favoravel, halo estudante sira labele kontinua estuda ho didiak, tanba fasilidade ne’ebe labele apoiu ho diak.
Iha loron 26 de Abril, jornalista Neon Metin hakat ba iha eskola 12 de Outubro Tasi-Tolu, faktu hatudu katak situasaun no kondisaun eskolah ne’ebe iha, la merese ba estudante sira hodi tuir prosesu aparendijajen.
Jornalista Neon Metin dadalia ho Diretora eskola 12 de Outobro, Filomena Casimira, hato’o katak haree liu ba iha numeru estudante iha tinan ne’e, sa’e makas kompara ho tinan liu ba, ho ida ne’e maka atu hadiak liu tan fasilidade ne’ebe mak la funsiona. Liga ho kondisaun ambiente enjeral diak, hateten diak tamba iha ai-mahon ne’ebe bele fo anin fresku ba labarik sira, dalaruma mos la diak, tamba kondisaun eskola ne’e luan no besik liu ba iha estrada boot, movimento ne’ebe rame liu iha parte eskola sorin liliu movimentu transportasi ne’ebe besik liu estrada bo’ot, hodi halo barullu no estudante sira mos la iha konsentrasaun ba iha kuadro wainhira mestre no mestra sira hanorin, ida ne’e mak sai problema ba estudante no mestre sira rasik.
Ba Neon Metin liga ho casa de banho, Filomena konfesa katak kondisaun casa de banho diak no suficiente hodi uza, razaun tanba casa de banho iha kedas walu. Liga ho fasilidade importante hanesan kadera no meza mak problema ida ne’ebe presiza tau atensaun.
“Sala rua mak kondisaun la diak, kadeira no meza, ho prinsipio ida katak hakarak ka lakohi tenke uza duni, hodi hein edukasaun bele lori fali foun mai troka, maibe ho ha’u nia interese katak buat ne’ebe mak iha, ami uza hodi hala’o apredendisajen ho ami nia oan sira, atu nune’e la’o ho diak buat hotu, ita atu hare realidade mos sei dauk kompletu, ho ami nia prinsipiu maka fasilidade. Tuir regulamentu edukasaun nian ne’ebe la’o normal”, esplika Filomena
Numeru estudante total masimu 75 no minumu 45 estundate kada sala ne’e sai preokupasaun diretora Filomena, tanba ida ne’e bele fo impkatu ba estudante sira, atu la tuir prosesu aprendisajen ho diak, sa tan mestre sira sei la dun foka ba estudante sira.
Total estudante ba tinan ida ne’e hamutuk 1416 estudante. Filomena inform aba Neon Metin katak iha future eskola ne’e sei lao ho diak tanba agora dadaun konstrusaun mos la’o hela, hetan apoio husi edukasaun ne’ebe atijin ona 95%.
Iha tempu hanesan estudante Crusberto Anderitos ba Neon Metin hateten fasilidade eskola la kompletu no tur fatin la diak tamba tur sena malu deit, “ami nia kolega estudante sira barak liu, ida ne’e mak sai problema ba ami, maibe ami tenke ho pasiensia atu mantein nafatin ami nia estudu iha eskola ida ne’e”. *[Ruben ‘Hamas’ | Umbelina ‘Lamesak’ | Neon Metin | 30 Abril 2018