Reportazen Zevonia Vieira
“Taur Matan Ruak sei nafatin Primeiru Ministru, sekarik Primeiriu Minsitru rejigna an ne’e sei kria frajil, ita labele kria frajil iha governasaun”. Marí Alkatiri
Situasaun politika iha VIII Governu Konstituisaun, ne’ebe lidera hosi Taur Matan Ruak nudar Primeiru Ministru, hamosu tan impase idatan, bainhira Orsamentu Jeral Estadu 2020 ne’ebe sumba iha Parlamentu Nasional.
Hafoin Prezidente da Republika, Dr. Francisco Guterres Lú Olo hasoru malu ho partidu politika sira, iha entrevista ho Sekretariu Jeral partidu Fretilin, Dr. Marí Alkatiri ba jornalista sira hateten, iha dialogu ida ne’e Prezidente da Republika atu rona opiniaun sira hosi partidu politika sira, hodi nune’e Prezidente da Republika bele refleta fila fali, antes foti desizaun.
Hatan ba Media GMNTV konaba sekarik diak liu Primeiru Minsitru Taur Matan Ruak rejigna an? Hatan ba GMNTV Marí Alkatiri hateten, Taur Matan Ruak sei nafatin Primeiru Ministru, “sekarik Primeiriu Minsitru rejigna an ne’e sei kria frajil, ita labele kria frajil iha governasaun”.
Ho situasaun ne’ebe ne’ebe governu hasoru dadauk, tanba aliadu hosi PLP la afavor ba Orsamentu Jeral Estadu, ba jornalista sira eiz Primeiru Ministru ne’e deklara katak, Fretilin la presiza hatun governu ida no sira mak sei hatun malu, ne’e agora akontese dadauk.
“Maioria la monu mesak maibe sira mak hamonu malu, aliansa kontra natura ne’e vida sei la naruk. Agora sai vitima fali mak Taur Matan Ruak, aban bainrua la hatene se fali. Ida ne’e labele kontinua hanesan ne’e, ita nia rain ne’e tenke lao ba oin”, hateten Marí iha palacio prezidensia.