Reportazen Francisco JDA
Centru Integradu Jestaun Krize [CIJK] kontinua halao konferensiaimprensa hodi informa ba publiku konaba dadus Covid-19 ne’ebe afeta ona mai Timor.
Porta Voz CIJK, Rui Maria de Araújo informa katak sidadaun ne’ebé kompleta ona loron 14 kuarentena hamutuk 336, sira ne’ebé iha kuarentena too ohin 12:00 meudia hamutuk 1123. Ema suspeitu ne’ebe kuarentena nafatin 42, ema ne’ebe provavel ka hein rezultadu laboratoriy total nain 8 no ema ne’ebe konfirmadu Covid-19 sei nafatin 1. Ema ne’ebe negative ba teste Covid-19 ohin loron aumenta 1 total hamutuk 33
Dr. Rui Araujo hatutan pontus importante ne’ebe Gabinete de Crize hakarak sublinha ba publiku katak iha 24 oras nian laran, laiha suspeitu foun ba kazu covid-19.
“Ministerio Saúde [MS] nia ofisiál sira, nafatin halo serbisu iha fatin entrada hotu ho kuarentena obrigatorio iha Dili no Munisípiu sira”, tenik Porta Voz Rui Maria de Araújo, iha centro media – CCD, 04/04.
CIJK rekomenda ba populasaun tomak iha Timor leste atu nafatin halo konfinametu voluntario, lalika sai hosi uma wainhira la presiza, lalika halibur malu liu hosi ema nain 5, Lei hatete maximu ema nain 10, mantein distansia minimu metru 1, uja maskra nafatin no fase liman beibeik ho sabaun.