Reportazen Francisco JDA
Centru Integradu Jestaun Krize [CIJK] kontinua publika informasaun relasiona ho moras Covid-19, ne’ebe mak sei sai nafatin preokupasaun povu nian.
Ba jornalista sira Portavoz CIJK, Dr. Rui Maria de Araujo husu ba populasaun tomak, atu nafatin halo konfinamentu voluntariu, lalika sai hosi uma bainhira la presiza, lalika halibur malu liu hosi emain 5, bainhira halibur malu karik hanesan iha lia mate ruma, labele grupu boot demais, tanba Lei hatete ona maximu ema nain 10 hamutuk iha fatin ida no tenke iha distansia fizku metru 1 no uza maskra
“Hafoin halibur malu, fila ba uma karik keta haluha fase liman ho sabaun ho bee no lalika kose liman ba matan, ibun no inus, tanba liu hosi liman mak hadaet moras hosi liur ba laran”, hateten Dr. Rui
CIJK apela ba populasaun atu nafatin kalma, serbisu hotu ne’ebé halao orientadu atu prevene Corona virus ne’e labele aumenta makas liu tan, “ita iha ona ida mak positivu nia isoladu, seidauk hadaet ba ema seluk, signifika iha li’ur ne’e provavelmente seidauk iha ema ne’ebé infetadu, ha’u dehan provavelmente tanba ita la iha serteza lolos . Iha Organizasaun Mundiál Saúde (OMS) up date buat foun balun katak virus Corona bele transmite liu hosi ema ne’ebé seidauk hatudu sintomas ka seidauk hatudu gezala”, tenik Porta Voz CIJK Rui Maria de Araujo Iha CIJK, CCD, 04/ 04
“Se ema ne’e hadaet nia an ona hosi virus, nia seidauk isin manas, seidauk mear no kakorok seidauk moras, seidauk hatudu sintomas sira seluk kona ba invesaun respiratoria aguda mós nia bele ona hadaet moras ne’e ba ema seluk”, esplika Dr. Rui
CIJK kontinua fo hanoin ba populasaun tomak atu halo distasiamentu fiziku no Ijiene pesoa ne’e importante no fó konfiasa ba governu liu hosi CIJK, atu dirije prevensaun no mitigasaun ba pandemia Covid-19 iha Timor Leste
