Reportazen Francisco JDA
Relasiona ho karta destituisaun hosi bankada PLP, FRETILIN no KHUNTO ne’ebe hatama ba meja Prezidente Parlamentu Nasional (PPN), ho asina hodi deputadu nain 33.
Liu hosi komunikadu imprensa ne’ebe Neon Metin asesu katak PPN Arao Noe hateten katak Prezidente Parlamentu iha direitu atu defende-an no klarifika ba públiku katak justifikasaun deputadu Rekerentes sira analiza ba artigu 16-B dehan Pedidu destituisaun devidamente justifikadu, hare hosi justifikasaun hosi rekerimentu ne’e la justifikadu didiak no klareza tanba ne’e Presidente Parlamentu Nasionál Arao Noe sei Analize no Estuda
“Hakarak hateten momos katak PPN kompozisaun meja PN iha V Legislatura dadauk ne’e reflete existente atual VIII Governu Konstitusionál, tanba mai hosi rezultadu eleisaun antesipada 2018. Ho nune’e la iha rajaun atu destitui Presidente no meja PN se VIII governu sei mantein ” deklara liu hosi komunikadu imprensa ne’ebé Neonmetin asesu, 11/05.
PNN reafirma katak Parlamentu Nasionál hein hela dezisaun hosi Presidente Da Repúblika tuir dalan Konstitusionál estadu direitu demokratiku, “mai ita hotu kumpri regras Konstituisional ho rigor bele garante funsionamentu estadu tuir Konstituisaun no Lei sira ne’ebé vigora.
Neon Metin mos koko telefone direitamente Prezidente Parlamentu Nasional Arao Noe, hodi halo entrevista esklusivu relasiona ho karta destituisaun maibe Prezidente Arao Noe la pronto atu halo entrevista.
“Buat hotu publika ona no hau lakohi komenta fali, selae la tuir testu ne’ebe hau hato’o ohin ne’e. Hau labele komenta ne’ebe bele sai fali hosi keixa ne’e, tanba konferensia ne’e liu hosi eskrita”, hateten PPN Arao Noe, 11/05.