Reportazen Francisco JDA
Eskola sei reativa iha tempu badak nia laran, iha situasaun Estadu Emerjensia datoluk nian, relasiona ho reativ eskola sei halao enkontru iha Konselhu Ministru, atu deskuti oinsa halo koordenasaun entre Ministeriu Saude (MS) no Ministeriu Edukasuan (ME) oinsa ho metodu bainhira reativa fali eskola sira.
Ministru Asuntus Parlamentares no Komunikasaun Sosial, Francisco Martins da Costa Jeronimo hafoin debate iha Parlamemtu Nasionál ba periodu orden do dia, kona-ba medidas ekonomikas no prevensaun kombate Covid-19 esplika katak, eskola sira atu loke fali, presiza iha koordenasaun no la signifika katak aban ou bainrua loke ka reativa ona.
“Ita sei halo koordenasaun ba malu, atu hare posibilidadde saida mak bele halo iha tempu oin mai, liuliu se loke duni eskola, ita tenki hare kuantidade estudante sira iha sala ne’e hira. Tanba ne’e mós la’ós buat fasil ida. Infrastrutura eskola limitadu no sala limitadu, tanba ne’e sei halo koordenasaun ho Ministeriu Saúde atu bele kumpri distansia sosial no distansia fízika, ne’ebé sai hosi organizasaun Saúde Mundiál (OMS)”, esplika Francisco Martins da Costa Jeronimo, iha Parlamentu Nasionál 01/06