Reportazen Adalgisa Pereira
Embaixada Nova Zelandia organiza atividade kontra lixu, liu hosi hamoos tasi ibun. Liu hosi atividade kontra lixu, Embaixador Nova Zelandia, Philip Hewitt hateten proteje ambiente nudar responsabilidade ema hotu nian, hamoos lixu no foti foer sira laos iha governu suku ka autoridade municipal sira, maibe ema idak-idak tomak responsabilidade hamoos foer ne’ebe mak iha.
Iha fatin hanesan Reprezentante Autoridade Lokal, Bidau Santa-Ana, Francisco R.S.soares husu ba joven no komunidade sira, atu hadomi ita nia ambiente no kuidadu, sekarik iha lixu ne’ebe mak la uza ona, tau iha lixu fatin neebe mak prepara ona no labele soe arbiru .
“Fatin turismu nee moos, ita hotu tenke kolabora no koopera, atu ida-idak bele kuidadu ambiente ba familia sira neebe mak mai halo aktividade ka pasa fim de semana iha tasi ibun no iha jardim sira labele soe foer arbiru, tau foer iha nia fatin ne’ebe governu prepara ona”,dehan Francisco
Iha akitidade ne’e Embaixador Nova Zealandia fo apoiu orsamentu porvolta de $14 mill dollar Amerika, ba aktividade luta kontra lixu no involvimentu husi Movimentu Tasi Moos, Pixelasia, estudantes, joven no labarik sira.
Tuir planu Embaixada sei kontinua fo apoiu nafatin ba aktvidade sira nee no husu mos ba ema hotu, atu hola parte iha facebook kona ba oinsa luta hasoru lixu monster ida nee no kidadu ita nia ambiente.
Atividade kontra monster lixu ne’e realiza hosi Embaixada Nova Zelandia hamutuk ho antigus alunus Nova Zelandia.