Reportazen Francisco JDA
Klinika Bairo Pite sai fatin ba saudozu Dr. Daniel Murphy ne’ebe fo nia an tomak, hodi salva ema sira ne’ebe kbiit laek ne’ebe luta hasoru sira nia moras, iha tinan 20 resin nia laran saudozu Dr. Daniel kontribui nia esforsu tomak, hodi kura moras sira hanesan Eleminasau no Ededukasau TBC ho HIV
Neon Metin dadalia ho Diretor Klinika Bairo, Inacio dos Santos konaba depois de Dr. Daniel husik hela mundu ne’e, ba Neon Metin Diretor Inacio hateten funsionamentu klínika la’o normál, la’o di’ak entermos tratamentu ambulatirio no tratamentu sira seluk ho programa sira hanesan HIV, TBC, Mal nutrisaun, dentaria no kankru ran buat sira ne’e la’o normal, maibé infelismente programa balun mak la la’o mak hanesan, programa internamentu jerál no internamentu ba TBC.
“Temporaria iha ne’e internamentu mak nutrisaun grave ba labarik sira no mós partus programa hirak ne’e mak la la’o, tanba divide ba finanseira ne’ebé iha ho esforsu no kapasidade oinsá mak buka solusaun no koko atu hetan fila fali. Rekupera ita nia doadores sira iha rai li’ur maibe seidauk konsege, tanba iha buat barak malae sira sai hosi ne’e, sira passa informasaun kona ba klínika la di’ak entaun kusta oituan atu rekupera fila fali”, hateten Diretor Klínika Bairo Pite Inacio dos Santos iha Klínika Bairo Pite, 24/08
Diretor Inacio dos Santos reforsa tan dadaun ne’e Gabinete Primeiru Ministru liu hosi Sosiedade sivil fo apoio subsidiu suvensaun públika liu hosi Orsamemtu Duodesimu total $6 mill resin kada fulan maibé atu operasaun ba klínika tomak ne’e presiza $30 millaun kada fulan, tanba osan la natoon hodi halao programa balun .
Nia dehan dadaun ne’e prepara ona Memorandu of Understanding (MoU) atu asina ho Ministeriu Saúde fiar katak semana ida ne’e hakat ona ba final.
“Entermos ba ekipamemtu no medikamentus konsumavels ne’ebé iha, ami sufisiente tanba suporta mai hosi Saúde Municipiu Dili, liu hosi farmacia centrál ka SAMEP, sira mak suporta hela medikamentus. Entermos aimoruk ba tratamentu ne’ebé iha rai laran, la iha mós suficiente tratamentu diabetes, ita iha assinatira MoU ida entre klínika Bairo Pite ho Insulin Austrália, sira suporta Insulin ho glucometer ba pasiente sira ne’ebé hetan diabetes iha Bairo Pite ne’e la’o normál”, hateten Diretor Klínika Bairo Pite Inacio dos Santos.
Diretor ne’e informa mos katak numeru moras ne’ebe agora dadauk aas iha klinika Bairo Pite mak hanesan moras Ispa no TBC 200 resin no pasiente sira kontinua halo tratamentu.