Reportazen Adalgisa Pereira
Universidade Nasional Orientál Timor-Lorosae (UNITAL) servisu hamutuk ho Alumni husi borseiro Korea Internasional Cooperation Agency (KOICA) hodi fahe sira nia esperensia no matenek ba estudante enjináriu kona ba planeimentu urbanu iha Timor-Leste.
Prezidente Assosiasaun Alumi KOIKA Timor-leste, Gil Boavida husu ba entidades hotu atu servisu hamutuk, hodi kontribui ba governu atu iha planu urbana ne’ebe mak diak iha futuru.
“Hau hanoin planeamentu urbana ne’e konpleksu oituan maibe importante ba ita timoroan hotu tau ideia, fo hanoin iha parte akademiku ,politika no sosiedade hotu-hotu tau hanoin, sa planu urbana ne’ebe mak ideial ba ita nia rai, tamba agora iha problema urbanas oioin liu-liu iha capital Dili”, dehan Prezidente Assosiasaun Alumi KOIKA Timor-Leste, Gil Boavida iha kampus UNITAL Bekora, 02/10.
Nia hatutan Assosiasaun Alumi KOIKA foin preimeira vez halo kooperasaun ho universidade iha Timor mak UNITAL, ho objetivu atu fahe esperensia no matenek ba maluk timoroan sira.
Iha fatin hanesan Magnefiku reitór UNITAL, Florindo Pereira tempu ne’e osan mean no universidade mos pronto atu serbisu hamutuk ho sira.
“Ita boot sira mak jerasaun foun Timor-Leste iha tempu oin mai, ita boot sira mak sei kaer futuru nasaun ninia, ita boot sira iha ona reserva oituan hodi hadia diak liu tan saida mak agora sira halo tempu ida nee”, hateten Magnefiku reitór UNITAL, Florindo Pereira
Programa ne’e realiza tamba suporta husi KOIKA no Alumi borseiros Korea Internasional Cooperation Agency (KOICA) servisu hamutuk UNITAL partisipa iha programa ne’e mak estudante enjinária UNITAL, alumi borseiros Korea Internasional Cooperation Agency (KOICA), Deputy Country Director KOICA, Sook Jin Byun no konvidadus sira.