Reportazen Francisco JDA
Relasiona ho video ne’ebe viral iha sosial media kona ba ekipa saneamentu balun rekolla lixu iha Dili laran no lori ba soe iha Tibar, maibé membru polisia balun tenki halo atuasaun no obriga pesoál sanemantu nain rua basa malu, no membru polisia ne’e mos basa tan pesoál saneamentu refere.
Ho kestaun ne’e jornalista sira halo konfirmasaun ho deputadu bankada CNRT, nudár menbru Comisaun B ne’ebe trata asuntu Defesa Seguranca no Negosiu Estrangeiro, Maria Rosa de Camara “ Bisoi” ba jornalista nia hateten katak, serbisu saneamentu ne’e halao nia knaar hodi rekolla lixu, nune’e labele afeta moras oinoin no saneamentu iha direitu tomak, husu atu labele impede sira nia knaar
“Kona ba atuasaun ne’ebe polisia ohin halo ba sira saneamentu, liuliu sira ne’ebe rekolla lixu ho video viral los, ita hare katak la lojika ho polisia nia atuasaun ba trabalhador kiik sira ne’ebe foti foer sira iha Dili laran, hodi hasai no tau iha nia fatin atu nune’e labele afeta doenca oin-oin”, hateten Deputada Bancada CNRT Maroa Rosa Camara “Bisoi” nudar membru Komisaun B iha Parlamentu Nasional ( PN) 10/03.
Deputada Bancada CNRT ne’e realsa liu tan, katak moras dengue ne’e mai hosi lixu, tanba ne’e mak sira ne’ebe foti lixu, ne’e iha direitu tomak, tuir lolos labele impede sira, sira tenki halo duni sira nia serbisu, maibé se ita dehan lockdown ema mak tenki kumpre regras, ne’ebe mak iha nune’e bele lori sai lixu, se dehan ema la sai no lixu mos la sai entaun tenki anunsia lai iha media ne’e para ema bele hatene.
“Sira ne’ebe rekolla lixu loron ida, sira fila dala rua ka tolu atu fakar lixu ne’e, tanba ne’e lolos xamada atuasaun halo ne’e ba kompania para hapara laos baku fali trabalhador no kondotor ne’ebe mak raut foer sira, ne’e la sala buat ida. Prezidente komisaun B mak tenki manda karta ruma ba Komandante Jerál nune’e bele mai audensia ho komisaun B, hodi bele hare kona ba atuasaun polisia nian ba ema traballador kiik”, dehan deputada Bisoi
To’o nutisia ne’e sae Neon Metin sedauk halo konfirmasaun parte polisia nian.