Home Analisa Inkonsistensia Deklarasaun Publiku Sai Polemika Entre Levantamentu OJE 2021 VS Ezekusaun OJE...

Inkonsistensia Deklarasaun Publiku Sai Polemika Entre Levantamentu OJE 2021 VS Ezekusaun OJE 2021

2207
0
Hakerek nain Novelino Dos Santos. [Foto: Dok. privadu | 10.03.2021]

Hakerek nain Novelino dos Santos

Deklarasaun Ofisial Orsamentu Liquidu iha Konta Tezoru:

Iha inisiu fulan Janeiru 2021 sei iha tokon US$.325 (Deklarasaun Ministru Finansa-Timor Post edisaun 06 Janeiru 2021). Iha fin de Janeiru 2021 Orsamentu sei iha tokon US$.230 (Deklarasaun Ministru Finansa-Tempu Timor edisaun 25 Janeiru 2021) 

Iha fin de Fevereiru sei iha tokon US$. 238 (Deklarasaun Ministru Finansa-GMN edisaun 20 Fevereiru 2021). Rezultadu Ezekusaun Orsamentu Jeral Estadu 2021 (Fontes Portal Transparensia-Timor Leste 09 Marsu 2021):

Total OJE 2021 Bilaun US$.1.895.000.000.00. Total Ezekusaun iha periodu Janeiru – Marsu Semana Premeiru 2021 hamutuk tokon US$. US$. 209.709.436.29.

Komitmentu tokon US$.125.647.035.23. Obligasaun  tokon US$. 67,191,262.99.

Ezekusaun kada fulan:

Ezekusaun orsamentu iha fulan Janeiru 2021 hamutuk tokon US$. 26,317,648.60 ka 4% husi total OJE. Ezekusaun orsamentu iha fulan Fevereiru 2021 hamutuk tokon US$ 176,195,981.7 ka 8% husi total OJE

Ezekusaun orsamentu iha fulan Marsu iha Semana premeiru 2021 hamutuk tokon $7,195,805.94 ka 2% husi total OJE. Deskripansia entre Deklarasaun ofisial VS Rezultadu Ezekusaun OJE 2021:

Iha inisiu fulan Janeiru Osan sei tokon US$. 325 no fin de Janeiru 2021 osan menus ba tokon US$.230, maibé ezekusaun iha fulan Janeiru foin iha tokon US$. 26,317,648.60.

Deskripansia iha tokon US$.68.682.352 ne’e oinsa? No iha ne’ebé?

Rezerva Osan Liquidu VS Projesaun ba Ezekusaun OJE 2021 ba fulan sira tuir mai:

Formulasaun Osan Liquidu husi fulan Janeiru menus ho Ezekusaun: US$.325 –  209.709.436.29 = US$. 115.290.564

Bazeia ba deklarasaun ofisial konaba osan liquidu no rezultadu Ezekusaun OJE 2021 to’o Marsu premeira semana Governu iha deit ona osan iha konta Tezoru tokon US$. 115.290.564

Governu nia komitmentu atu ezkuta to’o tokon US$. 125.647.035.23. Osan ne’ebé tama ona obligasaun, ne’ebé posibelmente sei ezekuta iha fulan Marsu mak tokon US$. 67,191,262.99. Ne’e hatudu katak, osan reserva ne’ebé atu ezekuta iha fulan Abril 2021 hela deit ona tokon US$.49.

Verba ne’ebé aloka ba salariu-bensimentu iha tokon US$. 18 kada fulan. Simplesmente kalkulasaun ba ezkusaun verba Transferensia públiku tokon US$.699 : 12= tokon US$. 58 kada fulan. Seidauk inklui verba sira seluk hanesan Bens-Servisu, Kapital Dezenvolvimentu no Kapital Minor.

Ho estimasaun simples ida ne’e, hatudu katak mínimu Governu presija tokon US$.76 ba fulan Abril.

Konkluzaun:

Deklarasaun ofisial no ezekusaun OJE 2021 nian to’o Marsu semana premeiru la konsistente. Governu nia planu ezekusaun la sinkroniza ona ho osan rezerva ne’ebé iha konta Tezoru.

Iha fulan Abril 2021 mak Governu nafatin seidauk halo levantamentu foun hodi hasai osan, maka iha posibilidade bot osan ba fulan Maiu 2021 nian la iha.

Atensaun!!

Governu tenke halo ona levantamentu ne’ebé fixa, haktuir ba projesaun ba ezekusaun iha fulan sira tuir mai. Se nafatin laiha, bele afeta ba prosesu dezenvolvimentu no kria instabilidade politika ne’ebé naruk ba bebeik.

*(Hakerek ida né Opiniaun Pessoal, Lá Representa Organizasaun Nebe  Hakna’ar An ba. Estudante Ativista Direitos Humanos, alumni Instituite of Bussines (IOB), Fakuldade Information comunication and technologi (ICT), Departamento Teknika Infórmatika).

Print Friendly, PDF & Email

LEAVE A REPLY

Please enter your comment!
Please enter your name here