Home Notisia AJTL Agradese Ba Apoiu Fasilidade Prevensaun Covid-19 Hosi UNDP no KOICA

AJTL Agradese Ba Apoiu Fasilidade Prevensaun Covid-19 Hosi UNDP no KOICA

241
0
Seremonia entrega fasilidade ba protesaun hosi UNDP ba AJTL. [Foto: Francisco JDA | 21.05.2020]

Reportazen Francisco JDA

Asosiasaun Jornalista Timor Lorosa’e (AJTL), hetan apoiu Dezenvolvimentu Internasional Koreanu (KOICA), ne’ebe fo ona ninia apoiu ba jornalista Timor-Leste, liu hosi Ajensia ONU UNDP ho fornesimentu fasilidade prevensaun Covid-19 no apoiu ba realizasaun programa diskusaun “Editors Club” foin dadauk ne’e.

Liuhusi serímónia entrega fasilidade prevensaun ba COVID – 19 ne’ebé realiza iha 21 Maiu 2020, iha edefísiu Conselho de Imprensa (CI), Prezidente AJTL, Zevonia Vieira hateten ajudu no apoiu ne’ebé KOICA no UNDP fó ne’e util tebes ba jornalista sira bainhira hala’o atividade jornalimzu nian iha tereñu no fiar katak apiou ne’e sei hametin-liu tan futuru koopersaun entre AJTL, UNDP no doadór KOICA ne’ebé reprezenta Governu Korea dú Súl.

Tuir nia UNDP no KOICA nia tulun no apoiu ba AJTL nu’udar forma solidariade ba jornalizmu no liberdade imprensa no liberdade espresaun hodi hametin-liu tan prosesu harii demokrasia no boa governasaun iha país foun ne’e.

“Apoiu hirak ne’ebé parseiru UNDP no KOICA fó ne’e sei haforsa-liu tan papél kontrolu sosiál mídia nian liuhusi jornalista sira ne’ebé kompetente ho espríritu demkrátiku hodi kontribui nafatin ba prosesu harii demokrasia, kontabilidade no boa governasaun iha kontestu dezenvolvimentu nasioná nian,” nia haktuir.

Iha Fatin hanesan Resident Representative UNDP, Munkhtuya Altangerel iha deskursu hateten, nia parte kongratula ba jornalista sira hafoin iha loron 3 Maiu ba selebrasaun loron Liberdade Imprensa, apresia mós estadu nia komitmentu hodi asegura liberdade imprensa.

“Ha’u orgulho ema nia luta ba liberdade imprensa no liberdade espresaun bele metin liu tan iha TL, ha’u komprende katak iha periodu Covid-19, imi mós hetan impaktu hanesan ema hotu sente, imi nia dedikasaun atu serbí públiku ho informasaun ne’ebé kredibel, balansu no responsavel kontribui informasaun ba públiku nia desizaun ba prevensaun. Espera Asosiasaun Jornalista no KI kontinua imi nia papel importante, hodi garante liberdade imprensa no espresaun iha nasaun ida ne’e”, dehan Resident Representative UNDP, Munkhtuya Altangerel.

Fasilidade ba protesaun Covid-19 mak hanesan maskra total 200, hand wash total 100, hand sanitizer 200 no journalism booklets total 200.

LEAVE A REPLY

Please enter your comment!
Please enter your name here