Reportazen Francisco JDA
Centro Integradu Jestaun Krize (CIJK) hala’o konferensia imprensa relata konaba situasaun atual moras surtu COVID-19, hafoin detekta kazu rua iha BTN II, ekipa saúde konjunta buka tuir kontaktu besik nune’e to’o ohin meudia loron 10/03 totál amostra hamutuk 472, regista tan kazu pozitivu foun 3
Koordenador Forsa Tarefa Prevensaun no Mitigasaun Surtu COVID-19, Dr. Rui Maria Araujo hateten kazu pozitivu detektadu iha Munisípiu Dili mak hanesan BTN II kazu 6, area Ministeriu Financas iha aldeia 4 Septembru – Comoro kazu 4, SEFOPE kazu 9, Bebonuk kazu 2, Ministeriu Transporte no Komunikasaun kazu 2 no Ospital Nasionál Guido Valadares kazu 1.
“Hosi horseik mai ohin iha tan, kazu positivu nain 3 totál 24, hosi mós atividade randon screening ne’ebé hala’o hosi loron 6 Marsu to’o ohin iha Dili laran, ekipa saúde konjunta rekolla hamutuk 1281 amostras, hosi totál amostra hirak ne’e 528 mak negativu no 752 sei iha hela prosesu no to’o agora seidauk iha posztivu hosi randon screening,” hateten Dr. Rui Maria Araujo iha CCD, 10/03
Dr. Rui reforsa tan kazu sira ne’e ida parteira iha Ospital Nasionál Guido Valadares. Kazu sira ne’ebe kontaktu ho kazu BTN II ne’e mak hatudu poszitivu maibé dadaun ne’e kazu ativu hamutuk 51, rekuperadu zero
CIJK apela ba públiku iha Dili laran atu nafatin kalma lalika paniku, halo tuir regra konfinamentu domiciliario. nune’e fó tempu ba Konjunta Saúde buka tuir kontaktu besik sira hotu.
