Home Justisa Vitima Topu Honis Lamenta RD Hasoru Orfaun TH Iha Ro Success

Vitima Topu Honis Lamenta RD Hasoru Orfaun TH Iha Ro Success

3544
0
RD hasoru orfaun TP iha Ro Susesu bainhira atu fila fali mai Dili. [Foto: Copyright YouTube | 10.03.2021]

Reportazen Zevonia Vieira

Neon Metin simu lamentasaun hosi vitima ida ho naran inisial MT kona ba RD nia hasoru malu ho orfaun balun hosi Topu Honis iha Ro Success nia laran. Hasoru malu ne’e akontese iha 23 Fevereiru, hafoin prosesu tribunal ne’ebe alega RD ho violensia sexual, pornografia, no violensia domestika. Vitima haree RD hasoru nia kolega sira iha ro laran via video mak publika iha youtube (https://www.youtube.com/watch?v=i95PJI4j7ME) ho titlu, “Tanba sa sira tanis?”.

Relasiona ho video ne’e MT hatoo nia deklarasaun pesoal ba sorumutu ne’ebe RD halo ho nia maluk feto sira hosi Topu Honis.

“Hau haree RD hasoru malu ho hau nia maluk feto sira hosi Topu Honis iha ro, ida ne’e halo hau hirus tanba tuir loloos nia labele hasoru sira”, MT hato’o nia lamentasaun ba Neon Metin, Domingu (7/03).

“Ami nia advogado sira hateten katak tuir desizaun tribunal RD labele hasoru labarik sira hosi Topu Honis no video ne’e haree klaru, nia ignora deit. Se nia ignora ida ne’eba, oinsa ita bele kontinua, ami sei fo fiar sistema ka lae”, MT haktuir.

Iha video laran ne’e MT deskorbe katak RD hasoru malu ho nia maluk sira orfaun Topu Honis ho naran inisial CA, CQ no DN.

MT ba Neon Metin hatutan katak, “entaun hau hanesan vitima, video ne’ebe tau iha facebook, RD hasoru hau nia kolega sira ne’ebe uluk ami hela hamutuk iha Topu Honis, hau hare hau hirus, tuir Lei RD labele hasoru hau nia kolega sira”.

Tuir artigu 193 Kodigu prosesu penal, bainhira RD hetan detensaun dahuluk nian iha tempu ne’ebé nia fila ho ró ba iha Oecusse, tribunal distritál deside nia tenke tama ba prizaun preventiva. Bazeia ba rekursu hosi ninia defeza, Tribunal de Recurso iha  loron 12 Juñu 2019, deside atu troka medida koasaun hosi prizaun preventiva atu medida prevensaun, “obrigação de permanência na habitação” tuir artigu 193 Kódigu Prosesu Penál (hanesan prizaun iha uma).

Dezisaun hosi tribunál, ne’ebé NM hetan asesu hosi vítima ida iha kazu, determina kondisaun katak “labele iha kualkér kontaktu ho vítima sira ka ho labarik ka joven sira hosi orfanatu Topu Honis” (p. 9 hosi Akordaun Tribunál Rekursu).

Kazu Topu Honis mak nudar kazu pedofilia ne’ebe mosu ba publik dahuluk iha Timor-Leste. Kazu ne’e involve eis-Padre Richard Dascbach hosi kongregasaun SDV nian. Ho rezultadu investigasaun Kongregasaun Dutrina ba Fe nian iha Vatikanu, Amo Papa Francisco hasai tiha ona Richard Dascbach nudar padre iha tinan 2018. Eis-Padre ne’e agora dadaun tuir hela prosesu justisa ho kondenasaun kazu pedofilia, pornografia no violensia domestika.

Print Friendly, PDF & Email

LEAVE A REPLY

Please enter your comment!
Please enter your name here