Home Notisia PNTL Sei Halo Movimentu Iha Dili Laran, La Autoriza Ema Halo Atividade...

PNTL Sei Halo Movimentu Iha Dili Laran, La Autoriza Ema Halo Atividade Iha Jardim

1822
0
Komandante Jeral PNTL, Comissario Faustino da Costa. [Foto: Santina Lucia da Costa | 27.03.2020]

Reportazen Santina Lucia da Costa

Komandante Jeral PNTL, Comissario Faustino da Costa hasoru malu ho Prezidente da Republika, Dr. Francisco Guterres Lu Olo, hodi informa situaaun atual no preparasaun PNTL nian ba estadu emerjensia.

Hafoin remata enkontru ba jornalista sira Comissario Faustino da Costa hateten PNTL preparadu ona hodi halao serbisu ho masimu durante estadu emerjensia.

Komandante Faustino hateten durante estadu emerjensia la nesesita iha parte jardim 5 de Maiu no Jardim 12 Novembru nee Polisia sei la autoriza hodi halo atvidade iha fatin refere.

“Ba sosa nesesidade baziku nian sei fo autorizasaun, maibe ba hola sumente, besi hodi halo fali uma ne’e la autoriza. Ba bairu sira, kada suku iha ofisial polisia, ita iha polisia aldeia, maibe ami iha unidade tolu, Polisia sira ne’e uza hotu kedas, laiha ema polisia ida ferias,  ita sei halo movimentu no  mós sei asegura”, hateten Faustino da Costa iha palacio prezidensia, 27/03

Faustino da Costa informa iha fronteira mak Lockdowm,  dalan ilegal mak iha semana ida nia laran kuaze numeru sae, tanba maluk timoroan sira eskola iha Indonesia, balun kitas laiha tiha ona, balun eskola iha ne’eba tinan 4-5 mós sem vistus.

Komandante PNTL informa katak iha loron 21-25 Marsu polisia kaptura ema sira tama illegal ba municipiu Bobonaru hamutuk ema nain 25, iha Covalima ema nain 22 no iha RAEOA ema nain walu. Sira kuaze timoroan hotu, no nain haat mak sidadaun Indonesia no agora dadauk sira iha kuarentena.

LEAVE A REPLY

Please enter your comment!
Please enter your name here