Reportazen David ho Zevonia
Relasiona ho rumoris ne’ebe espalla iha Municipio Liquisa iha loron 18 Marsu katak deteta sidadaun nain 2 pozitivu COVID-19, bele lee iha link https://www.radiotokodede.org/2021/03/18/aban-ekipa-vizilansia-halo-teste-ba-ema-kontaktu-ho-pasiente-covid-husi-likisa/
Neon Metin halo konfirmasaun ho parte Sala Situasaun Centro Integradu Jestaun Krize (CIJK), liu hosi zoom press conference iha loron 19/03, katak los duni ka lae iha sidadaun nain 2 hosi Liquisa COVID-19 no halo hela tratamentu iha sala izolamentu Tasi Tolu, ba Neon Metin Koordenador Forsa-Tarefa ba Prevensaun no Mitigasaun Surtu COVID-19 iha Timor-Leste Dr. Rui Maria de Araújo hateten numeru kazu pozitivu ne’ebe mak akontese, iha realidade kada loron numeru sira ne’ebe hasai hosi Sala Situasaun Centro Integradu Jestaun Krize (CIJK) hato’o liu hosi konferensia imprensa ne’e.
Nia hatuir tan numeru sira seluk, se karik komunidade no jonalista ka se deit mak rona informasaun ne’ebe laos sai husi CIJK nia laran, halo favór ida la presiza fiar no tenke hein konfirmasaun hosi CIJK.
“Hau la koalia konaba ema husi Liquisa ka ema husi ne’ebe, kazu sira ne’ebe mak pozitivu COVID-19 mak ohin anunsia ona no hau lee sai ne’e”, dehan Dr.Rui, 19/03.
Iha tempu hanesan Neon Metin halo verifikasaun ho familia pasiente ne’ebe ho konkordansia katak labele fo sai naran lolos, atu la hamosu konflitu ka bullying ba familia refere, ba Neon Metin informa katak, “hau lori hau nia fen bai ha hospital Guido Valadares hodi fase ran, bainhira atu fase ran ekipa saude hateten antes fase ran tenke halo teste swab lai, sekarik rezultadu pozitivu entaun labele fase maibe se negativu bele fase ran. Nune’e banhira halo teste dala rua, ba loron rua tutuir malu hatudu rezultadu teste negativu signifika la kona virus Corona no bele fase ran”.
Neon Metin mos konfirma ho radio komunidade Tokodede katak sira hetan informasaun ne’e hosi Responsavel Vizilansia iha Municipio Liquisa, Mariana Alves Ribeiro Soares katak informasaunrefere simu hosi nasional katak iha pasiente nain rua pozitivu COVID-19, maibe radio komunidade Tokodede rasik mos halo ona verifikasaun no relata fila fali nutisia katak informasaun kazu pozitivu COVID-19 ne’e la los, bele lee iha link ne’e