Home Notisia Julgamentu ba Richard Daschbach Adia ho Razaun Situasaun Lockdown, Ofisial Tribunal Oecusse...

Julgamentu ba Richard Daschbach Adia ho Razaun Situasaun Lockdown, Ofisial Tribunal Oecusse Justifika

362
0
Situasaun julgamentu kazu Topu Honis iha tribunal Oe-cusse, 23/02. [Foto: David da Costa | 23.02.2021]

Julgamentu ba kazu Topu Honis ne’ebe involve Richard Dascbach nudar arguido ne’ebe planu tiha ona ba halo iha 22 Marsu, semana oin, adia fali ba fulan rua tuir mai ho justifikasaun ba muda data julgamentu ne’e tan situasaun lockdown.

Sekretariu Judisial, Senhor Naro,  no Ofisial Tribunal Oecusse, Julio Nunes, liu hosi entrevista ba Neon Metin via telefone informa ba Neon Metin katak mudansa ba data julgamentu ba kazu Topu Honis ne’e entrega ona ba advogadu arguido nian no mos ba prokurador ho justifikasaun.

“Notisia ne’ebe diariutimorpost.com publika horiseik (19/03) dehan katak la iha justifikasaun ba adia julgamentu ne’e la los”, Sekretariu Judisial, Naro ho Ofisial Justisa, Julio Nunes hato’o ba Neon Metin via telefone ohin, 20/03.

“Julgamentu ba kazu ne’e adia ho justifikasaun tan agora dadaun Dili iha situasaun lockdown. Arguido iha TIR iha Dili, prokurador mos iha Dili, no juis balun mos iha Dili. Ho razaun sira ne’e mak adia julgamentu kazu ne’e ba fulan Maiu 24 – 28 Maiu 2021. Julgamentu sei hahu iha tuku 9 dader to’o ramata”, Julio Nunes esplika liutan.

Kazu Topu Honis mak nudar kazu pedofilia ne’ebe mosu ba publik dahuluk iha Timor-Leste no kazu ne’e involve eis-Padre Richard Dascbach hosi kongregasaun SVD nian. Ho rezultadu investigasaun Kongregasaun Dutrina ba Fe nian iha Vatikanu, Richard Daschbach konfesa tiha ona katak nia sala, no Amo Papa Francisco hasai tiha ona Richard Dascbach nudar padre iha tinan 2018. Eis-Padre ne’e agora dadaun tuir hela prosesu justisa ho kondenasaun kazu pedofilia, pornografia labarik no violensia domestika.

Print Friendly, PDF & Email

LEAVE A REPLY

Please enter your comment!
Please enter your name here