Reportazen Zevonia Vieira
Iha mane ida tenta atu hafuhu inan feto ida ho nia oan feto idade 13 ne’ebe haris iha haris fatin Kuarentea Tasi Tolu iha loorn 22/03, oras tuku 16:00 lorokraik.
Neon Metin konsege halo entrevista via telefone ho inan feto ho inisial MC, ne’ebe nudar nudar vitima, via telefone hod esplika koronolojia ba akontesementu ne’ebe nia ho nian oan feto hasoru.
“Horseik lorokraik mais menus oras tuku 16:00, hau ho hau nian oan feto ba haris fatin. Haris fatin iha fatin kuarentena ne’e “toilet umum” (feto ho mane) kahur deit, pas ami atu tama haris fatin, hau taka odamatan, mane ida liu hosi haris fatin oin, no konsege hafuhu ba laran, no hau lalais taka odamatan, no nia hatene hau ho hau nia oan, momentu ami tama haris fatin, nia mos tama ba haris sorin, hau sei hakruk foti gayung hodi kuru bee, hau nia oan feto hateke ba leten no nia dehan mama iha ema nia liman iha leten, no hau mos hateke ba leten, hau hare mane nia ulun sai no hafuhu hela ami, hau tebe parede no hakilar no ikus mane nee tun halai sai no subar kedas”, esplika MC ba Neon Metin via telefone, 23/03.
Nia konfesa katak nia oan feto trauma no hodi kalan oan feto ne’e mehi no hakilar la para.
Ba Neon Metin nia mos esplika katak haris fatin ne’ebe prepar aiha kuanrentena la dun seguru tanba kada haris fatin hatutan malu, nia leten ne’e nakloke, mais menus 30-40cm, nune’e ema ne’ebe iha hanoin at, bele hafuhu feto maluk sira ne’ebe haris hela iha haris fatin sorin.
Hahu hosi horseik akontesementu refere, MC tenta hato’o ekipa vijilansia sira maibe to’o ohin loron laiha parte seguransa ne’ebe mak mai hodi hare situasaun refere.