Reportazen Zevonia Vieira
Ministeriu Saude (MS) deteta tan kazu konfirmadu foun COVID-19 iha loron 10 Abril hamutuk 61. Liu hosi komunikadu imprensa hosi Sala Situasaun Centro Integradu Jestaun Krize (CIJK) ne’ebe Neon Metin asesu relata katak evolusaun surtu COVID-19 municipio Dili iha loron 10 Abril deteta kazu 54, nune’e, kazu detetadu ka pozitivu iha Munisipiu Dili husi loron 7 Marsu 2021, to’o loron 10 Abril 2021, hamutuk hotu 796.
Ho nune’e, iha Munisipiu Dili, reorganiza cluster tuir area geográfika suku nian, ho fatin propagasaun seluk mós, hamutuk hotu iha 23 cluster.
Iha Bobonaro deteta kazu foun nain 1, kazu ida ne’e halo viajen husi Dili iha loron 6 Abril. Iha Ainaro deteta tan kazu foun nain 1. Kazu pozitivu hirak ne’e halo viajen husi Dili iha loron 3 Abril 2021. Iha Ermera deteta kazu nain 5
Dadus jeral ba loron 10 Abril nian kazu foun total 61, iha Dili nain 54 no 7 iha municipio sira seluk kazu rekuperadu nain 45 no total kazu 531. Husi total kazu detetadu foun ohin mane 30, feto 31. Husi total kazu detetadu foun ohin sintomatiku nain 2, asintomátiku nain 59. Ema ne’ebehalo teste PR hamutuk 1021