Reportazen Zevonia Vieira
Ministeriu Saude (MS) iha loron 25 Abril, deteta tan kazu konfirmadu foun pozitivu COVID-19 hamutuk 89. Liu hosi komunikadu imprensa, Koordenador Forsa-Tarefa ba Prevensaun no Mitigasaun Surtu Covid-19 iha Timor-Leste, Dr.Rui Maria de Araújo, Kordenador Forsa-Tarefa ba Prevensaun no Mitigasaun Surtu Covid-19 iha Timor-Leste relata ba jornalista sira katak dadus jeral ba kazu foun deteta ema nain 89 konfirmadu pozitivu COVID-19 (iha Dili nain 70 no iha municipio seluk nain 19).
Total konfirmadu kumulativu hosi loron 21 Marsu 2020 to’o loron ohin hamutuk 1897. Hosi total kazu detetadu foun mane nain 49 no feto nain 40. Husi total kazu detetadu foun ohin asintomátiku 74 (83,1%) no sintomátiku 6.
Husi total kazu detetadu foun ohin, 74 (83,1%) maka deteta tamba halo teste ho razaun atu halo viajen/ka halo ona viajen ba Munispiu hafoin deteta pozitivu. Maski nune’e, sira ne’ebé rezultadu teste pozitivu husi grupu ida ne’e, maioria sira nia hela fatin, iha duni cluster sira ne’ebé iha kazu detetadu barak iha Munisipiu Dili.
Kazu rekuperadu hamutuk 29, total kazu ativu ohin sae ba 1016. Ema ne’ebe halo teste PCR hamutuk 692.