Reportajen David da Costa Gusmao
Relasiona ho membru Polisia Nasional Timor-Leste (PNTL) ne’ebe halo violénsia hasoru negosiante tiga roda iha loron 23/05 iha Tasi Tolu, nune’e Movimentu Universitáriu Timor-Leste (MUTL), kondena maka’as aktus husi membru PNTL.
Portavós MUTL Denis Saebaku dehan MUTL kondena maka’as aktus husi membru PNTL baku vendedores ambulante tiga roda iha Tasi Tolu iha loron 23/05.
“MUTL Kondena maka’as asaun vandalizmu, no brutalismu husi membru oknum PNTL ne’ebe halo agresaun fiziku hasoru negosiante ka vendedór roda tolu ne’e,” dehan Denis Saebaku liuhusi konferensia imprensa iha Kampus Sentrál UNTL, Kuarta 26/05.
Portavoz MUTL husuParlamentu Nasional iha Komisaun Defeza no Seguransa atu tun hodi halo fiskalizasaun ba kazu ne’ebé akontese iha Tasi Tolu ne’e.
Movimentu Universitáriu Timor Leste (MUTL), mos ezije ba Komandu Geral Polisia Nasional Timor-Leste atu espulsa membru PNTL ne’ebe halo agresaun fiziku hasoru vendedores nain rua fa’an nuu iha Tasi Tolu.
