Ministériu Saude (MS) deteta tan kazu konfirmandu COVID-19 iha loron 30 Maiu hamutuk 145. Liu hosi komunikadu imprensa, Koordenadór Forsa-Tarefa ba Prevensaun no Mitigasaun Surtu Covid-19 iha Timor-Leste, Dr Rui Maria de Araújo relata ba jornalista sira katak Kazu detetadu COVID-19 total 145 (iha Dili 98 no munisípiu seluk 47).
Husi total kazu detetadu foun ohin mane 96, feto 49, total kazu detetadu foun ohin, hirak ho idade tinan ho idade 60 nain 3. Husi total kazu detetadu foun ohin, proporsaun kazu sintomátiku hamutuk 11,7%.
Kazu rekuperadu nain 186, total kazu ativu nain 2648. Total kazu konfirmadu kumulativu sura hosi 21 Marsu 2020 to’o ohin loron hamutuk 6897. Husi horseik mai ohin ema ne’ebé halo teste PCR hamutuk 601.
Iha Dili kazu ativu hamutuk 2079 no kazu rekuperadu hosi tinan 2020 to’o ohin loron hamutuk 3770 no kazu obitu hamutuk 16 (iha Dili 15 no iha Liquica nain 1).