Home Notisia KI Husu Media Boot Sira Fo Espasu Ba Kobertura Kazu Eis Padre...

KI Husu Media Boot Sira Fo Espasu Ba Kobertura Kazu Eis Padre Iha Topu Honis

1134
0
Konsellu Imprensa halo konferensia imprensa. [Foto: Francisco JDA | 28.05.2021

Reportajen Francisco JDA

“Konsellu Imprensa dezde uluk kedas akompaña katak media boot sira la dun foku ba kazu ida ne’e, media boot sira foka los de’it kuandu Presidente CNRT Xanana Gusmao ba vizita eis Padre. Kobertura boot maibé depois de prosesu julgamentu tesik mai ne’e ladún kobertura”. Prezidente KI

Konsellu Imprensa (KI) hala’o konferénsia imprensa relasiona rezultadu monitorizasaun no analiza ba notisia hosi meiu komunikasaun balun ne’ebé halo la tuir kritériu no padraun jornalista nian, nune’e notísia balun sei nafatin la balansu, katak ho natureza kauzativu.

Nune’e liu hosi konferénsia imprensa KI rekomenda ba meiu komunikasaun sosiál sira, atu justu no balansu iha publikasaun notísia, nune’e mós distinge entre faktu no opiniaun só bele hatama iha pájina ka espasu editorial opiniaun nian, nune’e mós fó espasu ba asuntu sira ne’ebé involve família ka sosiedade atu nune’e públiku bele konsumu.

Tuir Prezidente Konsellu Imprensa, Virgilio Guterres ba jornalista sira hateten rezultadu monitorizasaun inisiu fulan Maiu to’o iha fin Maiu 2021 iha asuntu lubuk boot ida, mak resonánsia públika, katak asuntu sira ne’ebé ninia efeitu públiku hakarak hatene, buat ne’ebé media tenke hatama iha laran, nune’e Konsellu Imprensa mós identifika katak julgamentu ba Eis Padre Richard Dasbach iha Oe-cusse ne’ebé adia, husu media boot sira atu fó mós espasu hodi halo kobertura ba kazu ne’e.

“Konsellu Imprensa dezde uluk kedas akompaña katak media boot sira la dun foku ba kazu ida ne’e, media boot sira foka los de’it kuandu Presidente CNRT Xanana Gusmao ba vizita eis Padre. Kobertura boot maibé depois de prosesu julgamentu tesik mai ne’e ladún kobertura” hateten Presidente Konsellu Imprensa Virgilio Guterres iha  knaar fatin Kintál Boot Dili, 28/05

Presidente Konsellu Imprensa, Virgilio nu’udar mós ativista direitus umanus ne’e realsa tan, maski asuntu kona ba Eis Padre Richard  Dasbach ne’e asuntu delikadu, maibé nafatin husu ba média sira atu fó espasu ruma ba kobertura ne’e, tanba kazu ne’e involve família no sosiedade, la’ós defende ida ka ida seluk maibé halo papél hanesan veíkulu de komunikasaun sosiál no instrumentu komunikasaun hosi sosiedade ida, entaun tenke fo fatin ba ema hotu.

Kazu Topu Honis mak nu’udar kazu pedofilia ne’ebé mosu dahuluk iha Timor-Leste, mak involve hosi Eis Padre Richard Dasbach hosi Kongresaun Society of the Divine Word (SDV) nian. Ho rezultadu investigasaun kongregasaun doutrina ba fé nian iha Vatikanu, Amo Papa Francisco hasai tiha Richard Dasbach nu’udar Padre iha tinan 2018, no eis Padre ne’e agora daudaun hetan konfirmasaun ho kazu pedófila, pornografia no Violénsia Doméstika

Print Friendly, PDF & Email

LEAVE A REPLY

Please enter your comment!
Please enter your name here