Reportajen David da Costa Gusmao
Governu liu hosi Konsellu Ministrus (KM) ohin aprova projeitu rezolusaun governu nian katak, sei mantein nafatin impozisaun Serka Sanitaria (SS) iha Munsisipiu Baucau no Dili durante loron hitu tan, no la renova ona Seraka Sanitaria iha munisipiu Bobonaro no Covalima.
Ministru Prezidensial Konsellu Ministru, Fidelis Leite Magalhães informa ohin KM aprova mos Projetu Rezolusaun Governu nian ne’ebe mantein impozisaun serka sanitaria ba iha Munisipiu Baucau no Dili durante loron hitu tan.
“Nune’e bandu nafatin sirkulasaun ema sira nian entre munisipiu Baukau no Dili,” dehan Ministru Prezidente Konsellu Ministrus Fidelis Leite Magalhãe liu hosi komunikadu Imprensa, iha Palacio governu, kuarta 23/06.
Nia haktuir tan sirkunskrisaun administrativa sira seluk, exetu iha kazu hirak ne’ebe ninia fundamentu forte tanba razaun seguransa publika , saude publika , asisténsia umanitaria , manutensaun sistema abastesimentu públiku ka razaun seluk ne’ebe presiza atu hala’o ba interese públiku nian.
Nia salienta ohin Konsellu Ministru deside ona atu la renova impozisaun serka sanitaria iha Munisipiu Bobonaru no Covalima.