Reportajen David da Costa Gusmao
Relasiona ho loron mundial juventude ne’ebe mak monu iha loron Kinta 12/08, joven Manufahi oan loke diskursu públiku ba estudante Sekundária Jerál no Eskola Tékniku Vokasionál sira iha Manufahi, iha lian English no Portugés
Prezidente Komisaun Organizadora ba loron Internasionál Juventude, Carmo da Costa hateten diskursu públiku ne’ebe realiza, ho nia objetivu atu selebra loron 12 de Agostu loron internasinal Juventude nian,
“Kompetisaun ne’ebé ami realiza ne’e ba eskola Sekundaria no eskola Katolika sira ne’ebe mak eziste iha munisipu Manufahi, konvida sira para atu partisipa iha kompetisaun ne’e, utiliza lian Portugés ho Ingles”, dehan Carmo ba jornalista sira, iha Manufahi, 10/8.
Nia informa katak iha eskola sekundária 8, maibe to’o ikus eskola 6 deit mak partisipa. Iha diskursu ne’e diskursu publiku iha lian Inglesh nain 3, lian Portugés nain 6.
Ba manan sira sei hetan prémiu mak hanesan primeiru lugar sei hetan osan ho montante $130, segundu $80.00 o terseiru lugar hetan $60.00
Iha Fatin hanesan Sekretáriu Estadu Juventude no Desportu (SEJD), Abrão Saldanha hateten diskursu publiku ne’e atu dezenvolve estudante sira nia oratóriu no analiza krítiku.
Alende diskursu publiku, sei iha mos atividade expozisaun ba hahán tradisionál, oinsá rekoñese joven sira nia kapasidade no inovasaun iha sistema hahán nian, atu salva mundu no planeta.