Reportajen Santina Lucia da Costa
Prezidente Republika, Dr. Francisco Guterres Lu Olo inagura edifísiu Foun Gabinete Sentrál Kombate Korrupsaun, Prokuradória Jeral Republika (PGR) iha Colmera.
Ba jornalista sira Prezidente Republika hateten inagura edifisiu ne’e, ho espasu ba Ministériu Públiku adekuadu melhora serbisu sira. Prezidente Republika prezide serimónia inaugurasaun no bele solidariza nafatin ho Ministériu Publika ninia funsaun ne’ebé maka konstituisaun fó ba sira.
“Mai manifesta hau nia solidariedade no apoiu institusionál ba Órgaun Estadu ida ne’e, órgaun Prokuradór Jerál Repúblika (PGR), atu bele ezerse didi’ak sira nia funsaun, nu’udar reprezentante estadu, no nu’udar na’in, ba asaun Penal hotu-hotu ne’ebé maka bainhira iha relasaun jurídika iha konflitu, hodi bele halo asaun sira ne’e hotu.” Hateten Prezidente Repúblika iha PGR, Colmera, 27/10.
Xefe Estadu husu ba povu atu koopera ho Ministériu Públiku, klaru ké tuir ita nia lei sempre Koopera nafatin, bainhira sidadaun hotu iha litizio sira ne’e, husi asaun penal nian ka husi sivíl nian naturalmente, asaun hotu-hotu para atu bele kore problema fukun sira hotu, sira hotu-hotu tenki partisipa atu bele fó sira nia apoiu ba iha serbisu Ministeriu Publiku.
Lu Olo haktuir Ministériu Públiku nia hamriik to’o agora halo tinan 20 ona, nia konsolida hanesan instituisaun estadu nian, maibé sempre asume nafatin ka sempre hasoru nafatin dezafiu, kadavés maís kompleksu, tanba krime sira ne’ebé mak trazasionais.
Lu Olo konklui Ministériu Públiku tenke prepara-an nafatin ho operadóres Judisiais sira, Polisia, instituisaun seguransa, no Defeza Nasionál tenke prepara-an nafatin, atu bele hasoru tipu kriminalidade foun ne’ebé maka oras ne’e daudaun mundu enfrenta.