Reportajen Santina Lucia da Costa
Relasiona ho situasaun pandemia ne’ebé mundu sei enfrenta inklui Timor-Leste, Prezidente Repúblika, Dr. Francisco Guterres Lu-Olo hateten situasaun Covid-19 numeru ema pozitivu tun, maibé Covid ne’e la lakon, no husu ba sidadaun hotu kontinua simu vasina hodi proteje-an nafatin hodi kontra virus aat ne’e.
“Hau apela ba sidadaun sira hotu tantu iha Dili numeru ema vasina boot liu ona, mais tenki kontinua nafatin hateten ba nia familia sira kontinua ba simu vasina, hanesan mós iha Munisípiu sira seluk, para sira bele proteje-an hodi kontra moras aat ne’ebé oras ne’e dadauk sei la’o hela.” informa Xefe Estadu, Francisco Guterres Lu Olo, hafoin inagura edifisiu Gabinete Sentral Kombate Korupsaun, PGR, iha Colmera, 27/10.
Prezidente Republika informa katak iha tan variante foun ida, variante plaska, ne’e presiza kuidadu nafatin, seidauk to’o iha ne’e, maibé iha indikasaun ona, ne’ebé kuidadu.
Entretantu dadaun ne’e, iha loron 27 Outubru 2021, persentajen populasaun elejible ne’ebé simu ona doze primeru hamutuk, 898,491 (72.1%) no doze segundu 46.9%. Total kazu 19,778 (4), total ema rekupera, 19,605 (4), no total obitu 121
