Reportajen David da Costa Gusmao
Xefe Estadu Maior Jenerál Falentil no Forsa Defesa Timor-Leste (FFDTL), Tenente Jenerál, Lere Anan Timor husu ba Ministeriu Asuntu Kombatente Libertasaun Nasionál (MAKLN) tenke kria regra no lei ida, hodi deside se mak merese atu hakoi iha jardín eroi Metinaru
“Ministru dos Veteranu presiza haree no kria regra no lei ida, hodi deside se mak merese atu hakoi iha jardín eroi Metinaru, no se mak la merese hakoi iha ne’ebá no se mak merese salvu detivu ida ne’e mak importánte,” Dehan Lere Anan Timor ba jornalista sira bainhira halo Checkup iha Polisia Militár Kintál Boot, Tersa 23/11.
Nia esplika tanba iha semitériu jardín eroi Metinaru ne’e hakoi mate kahur malu, hare kuaze rezisténsia armada, maibé iha sorin ne’e mak problema no konfuzaun boot, tanba iha ema polítika, militár rezistensia armada no balun dalaruma la merese hakoi iha ne’ebá mós hakoi hotu iha ne’ebá .
“Ha’u hanoin Prezidente Repúblika mós podia konsulta, porque ne’ebá ne’e balun lakohi hakoi iha metinaru, ezemplu saudozu rena nina dehan katak ha’u lakohi ba hakoi iha Metinaro, maibé hakoi ha’u iha Lospalos, mak ha’u dehan tanba saida, kahur malu ona, tanba primeiru ita la define, lá hatuur regra no merese no la merese, se hakoi iha ne’ebá mós tuir nivel eskalaun hotu,” tenik nia.
Mais hanoin katak la buat ida, bele dehan semitériu mais governu tenke fó dignu no onra nafatin hodi dignifika nafatin semitériu jardin eroie Metinaru ninia.