Reportajen Santina Lucia da Costa
Primeiru Ministru, Taur Matan Ruak relata asuntu tolu ba Prezidente Republika, Dr. Francisco Guterres Lú Olo, hanesan Seguransa ba prosesu kampaña eleisaun Prezidensiál, Covid-19, Dengue, problema sira ne’ebé mak atinje saúde públiku sidadaun sira nian, no dezastre naturais ne’ebé prejudika sidadaun sira.
“Ohin enkontru semanal ho Prezidente Republika koalia asuntu tolu, ida mak ba iha seguransa ba prosesu kampaña no eleisaun prezidensiais, segundu mak Covid-19, Dengue, problema sira ne’ebé mak iha ba atiinji saude publiku sidadaun sira nian no terseiru mak dezatre naturais ne’ebé udan loron hira ne’e prejudika ita nia sidadaun sira nia vida.” Hateten, Primeiru Ministru, Taur Matan Ruak ba Jornalista sira iha Palasiu Prezidensial, Nicolau Lobato, Bairu-Pite, 25/2.
Primeiru Ministru dehan seguransa ba kampañia nian maka fó garantia ba Prezidente Repúblika katak governu empeñadu los para kria kondisõens sira hotu seguransa no seluk tan, lojistiku para eleisaun la’o di’ak, la’o tuir regras sira ne’ebé ita iha.
Xefe Governante ne’e realasa, dezastre naturais ne’e preokupasaun boot ida governu haree hela, hanesan ita boot sira hatene estragus ne’e ultrapasa ita nia kbiit, ba rekuperasaun. Tinan-tinan dalaruma tau orsamentu ita la prevee katak ne’e bele, ita prevee ba buat ki’ikoan, nunka prevee buat boot, derepenti kuandu iha tiha ona, husi kotuk ne’e mai inundasaun sobu valór liu fali ita.
“Dezastre naturais ami preokupa los, Prezidente Republika fó hela mensajen, governu labele taka matan ba ita nia sidadaun ne’ebé dadaun ne’e afeita husi dezastre naturais.” tenik, Taur Matan Ruak.” Tenik Taur.
Nia afirma estraga iha 4 Abril tinan 2021, ne’e ninia valór $ 300 ital Miloeñs dollar amerikadu, para hadia presija $ 400 Miloeñs ne’e kustu ida boot, maís governu halo hela esforsu para ida ne’ebé ita bele ita tenki hadia, ida ne’ebé ita labele ita tenki buka dalan para solusiona, tanba ne’e problema ida atinji seguransa ita nia sidadaun sira nian.
Nia hateten kona-ba Dengue nian ita hotu preokupa tanba atinji ita nia oan sira kuaze na’in 30 resin mate, numeru ne’e liu 200 resin, Ministeriu saude esforsu hotu para hodi apoiu para evita ida ne’e, para reduz mortalidade ka ema mate.
Nia konklui kestaun ida ita tenki tau matan maka ita nia ambiente, uma sorin-sorin ne’e, tenki hamoos, Miniteriu saude hatete beibeik, vazu sira bee nalihun iha lran, roda sira hamoos beibeik para labele prejudika ita nia-oan sira ne’e.
“Prezidente Republika mós preokupa ida ne’e, fó mensajen hau só transmite ba Ministeriu Saude para halo esforsu hotu ajuda, la’os de’it sira afetadu husi dengue, no mós ba sira dezastre naturais maibé mós sira ne’ebé Covid-19.” Dehan Taur.
