Reportajen Francisco Colo
Kandidatu Presidente Republika, Virgilio da Silva Guterres ‘Lamukan’ hateten wainhira nia eleitu ba Presidente Republika períodu 2022-2027, sei hadia estadu nia dignidade, tanba estadu nia dignidade monu iha povu nia oin la’os iha mundu, no halo Dezenvolvimentu ba povu nia moris diak liu tan inklui garante liberdade espresaun.
“Ha’u hakarak kandidatu-an ne’e tanba responsabilidade sai presidnete ho responsabilidade atu hadia estadu ida ne’e nia dignidade iha povu nia oin tanba RDTL ne’e laos monu iha mundu internasional maibé monu iha povu nia oin.” lia hirak ne’e hato’o iha nia kampaña ba dala ikus iha iha becora, Dili 16/03.
Nia hatutan tan tanba ne’e ha’u sai Presidente atu restaura, atu hadia povu nia moris, atu halo dezenvolvimentu ida ne’e, atu halo povu ninia moris diak la’os deputadu ka governante sira mak moris diak ba nafatin hela de’it sira halo impase politika halo estadu de sitiu,halo krize oioi, povu mak terus povu mak sai vitima, ba sira moris diak hela kareta foun nafatin balun fen foun nafatin.
“Hakarak sai presidente ne’ebé garante liberdade de espressaun hanesan ohin ha’u hatete preokupa atu luta ba igualdade generu tanba ne’e mak hau hateten ha’u nunka buka oin atu hamos rai ka atu tun ba valeta kuak ka hulan dos supermi buka oin iha povu nia matan lae iha uma ha’u mós estrika ha’u nia ropa ha’u nia oan sira nia ropa”, tenik Lamukan
Kandidatu ne’e realsa liutan atu hatete katak, ita tenke hahu investe ba edukasaun feto ho mane, tenke fo oportunidade iha rai ida ne’e, tanba saida? Tanba feto mos mate Maria Gorete, Rosa Muki Bonaparte, Maria Tapo. Feto maluk sira ne’ebe sei moris Bisoi, Bimali, Madalena Kasihan feto ne’ebe brani kaer kilat iha ai-laran, tanba ukun sira laiha lian ne’e labele.