Reportajen Joanina Casemiro
Universidade Nasional Timor Lorosa’e (UNTL) respeita nia profesór ida-ida, nia funsionáriu administrativu ida-ida, nia estudante ida-ida nia sentidu-de-votu, no lakohi influénsia ema ida atu vota ba kandidatu ne’ebé de’it.
Liu husi konferénsia Reitor UNTL, Joao Soares Martins ba jornalista sira hateten hakarak defende nia a’an iha Estadu no Sosiedade tomak nia oin, maibé UNTL lamenta tebes, ho liafuan ne’ebé kandidatu Prezidente Repúblika, Dr. José Ramos-Horta hasai iha debate Prezidensiál hodi hatún imajen UNTL nian hodi minimiza nia kualidade.
“UNTL haksolok tebes tanba UNTL nia naran temi iha Debate Prezidensiál 2022 nian, maibé UNTL lamenta tebes ho liafuan ne’ebé kandidatu Prezidente Repúblika Dr. José Ramos-Horta hasai iha Debate Prezidensiál ne’ebé realiza iha loron 13 Abril 2022, hodi hatún imajen UNTL nian, hodi minimiza nia kualidade,” dehan Reitór UNTL João Soares Martins, ba Jornalista sira iha Kna’ar fatin Liceu, 14/04.
Iha konferénsia imprensa ne’e, Reitór UNTL João Soares Martins hateten dala hira kedas Kandidatu Prezidente Repúblika Dr. José Ramos-Horta repete liafuan ne ‘ebe atu dezakredita UNTL nia imajen husi de’ it nia impresaun rasik.
Nia hafirma UNTL estabelesidu husi tinan 2000, nu’ udar Instituisaun Estadu nian. Nia sujeita ba avaliasaun fila-fila husi instituisaun akreditasaun no avaliasaun independente ANAAA, membru juri sira kompostu husi avaliadór nasionál no internasionál, ne’ebé hetan predikadu akreditasaun A. lda ne’e rekoiñese duni katak UNTL kontribui ona durante tinan 20 resin ba formasaun rekursu-umanus, ne’ebé kontribui ba funsionamentu Estadu no Nasaun Timor-Leste, no mós prepara rekursu-umanus ba jerasaun foun Sira tuir mai, nafatin ba nafatin.
UNTL apela atu kandidatu ne’ebe povu hili atu sai Prezidente Repúblika atu bele apoiu nafatin UNTL, atu Instituisaun ne e bele halo nia kna ‘ar diak iu tan ba rai Timor-Leste nia futuru.