Reportajen David da Costa Gusmao
Governu liuhosi reuniaun Konsellu-Ministru, apresia aprezentasaun Ministru Edukasaun, Juventude no Desportu (MEJD), Armindo Maia, kona-ba prosesu no roteiru ba rekrutamentu professor voluntáriu sira iha tempu badak.
Porta voz governu, Ministru Prezidénsia Konsellu Ministru, Fidelis Manuel Leite Magalhães dehan, aprezentasaun ida-ne’e inklui informasaun ruma kona-ba númeru professor sira ne’ebé iha no previzaun kona-ba rekrutamentu iha tempu badak.
“Objetivu husi ida ne’e atu rekruta hirak ne’ebe oras ne’e hanesan professor voluntáriu sira, atu bele rekruta sira, maibe hau repete fila fali ohin ne’e aprezentasaun deit, ideia sira deit ne’ebe maka Ministériu Edukasaun iha,”dehan Ministru Prezidénsia Konsellu Ministru, Fidelis Manuel Leite Magalhães iha Palásiu Governu, Kuarta 15/06.
Porta voz governu ne’e haktuir mais media sira atu hola ne’e kabe ba iha kompeténsia ne’ebe lei atribui ba iha Ministériu Edukasaun Juventude no Desportu ( MEJD) rasik.
Ho ida ne’e Konsellu Ministru apresia ba iha aprezentasaun. Maibe husu para atu MEJD bele foti media tuir lei haruka ou media hirak ne’ebe maka lei primite atu halo.