Reportajen Joselina dos Santos
Governu liu husi Sekretária Estadu Igualdade no Inkluzaun (SEII), sei buka planu atu fó bolsu da mãe ba inan isin rua sira, no buka eskola ba feto sira ne’ebe hetan abuzu seksuál, no mane ne’ebe la iha responsabilidade ba sira, objetivu atu bele ajuda vítima abuzu sexual to’o partus, atu nune’e sira bele kontinua fali sira nia eskola, tanba dala ruma eskola sira la fo espasu ba sira, hodi kontinua eskola atu labele so’e bebe.
“Ami sei haree mos ba alin feto sira ne’ebe isin rua karik mane laiha responsabilidade ka la tau matan, semana oin ami iha ona planu atu koopera hamutuk ho Autoridade Munisipiu no autoridade lokal sira atu tuur hamutuk hodi forma ekipa ida atu tun ba terenu no kots sira hodi identifika, karik alin feto isin rua ne’ebe mai ho presaun ikus so’e bebe, entaun oinsa atu fó tulun no buka fatin dignu ba sira hodi nune’e labele so’e bebe”, Dehan, Sekretária Estadu ba Igualidade no Inkluzasaun (SEII), Maria do Rosário Iha nia diskursu, iha Edifisiu Fundasaun Ázia Luro-Mata, 28/07.
Iha diskursu,Sekretária Estadu ba Igualidade no Inkluzaun (SEII), Maria do Rosário hateten governu liu husi Ministra Solidariedade Sosiál no Inkluzaun (MSSI), implementa ona bolsu da mãe dalan ba futuru, ida ne’e hanesan projetu pilotu ba munisípiu tolu hanesan Ainaro, Bobonaro inklui REOA ho nia sentidu katak mal nutrisaun iha munisípiu tolu ne’e boot.
Nia dehan osan refere ba feto sira ne’ebe isin rua, bainhira bebe iha isin ho fulan ida, signifika bebe ne’e iha direitu atu asesu ba osan $20.00 no nia inan ne’e sei hetan $15.00, depois partus wainhira labarik ne’e hetan difisiensia ruma entaun sei aumenta tan $ 10, espera katak tinan ida ne’e aplika de’it ba munisipiu tolu maibe tinan oin bele aplika tan ba munisipiu seluk ne’ebe presiza tanba orsamentu ida ne’e atu garante ba feto sira karik mane la iha responsabilidade miabe governu Iha konprimisu boot hodi bele tau matan.