Reportajen David da Costa
Prezidente Parlamentu Nasionál (PPN) konsidera organizasaun Resistência Nacional dos Estudantes de Timor-Leste (RENETIL) nia papel importante hodi kontribui ba luta libertasaun da patria.
Prezidente Parlamentu Nasionál (PPN), Aniceto Guterres husu ba kongresista sira atu diskuite kle’an kona-ba tematiku ohin “Hametin RENETIL hodi Kontribui ba Hametin Estadu”, tanba RENETIL mai ho nia papel ne’ebe importante tebes hodi kontribui ba luta libertasaun patria.
“Hahu husi restaurasaun independensia ita tama iha faze da luta foun ho dimensaun seluk ne’ebe se ita akompña durante 20 anos ne’e liu husi prosesu ne’ebe kompleksu liu, Ida ne’e mak faze dezenvolvimentu iha apestu hotu-hotu kiak no mukit,” Dehan PPN Aniceto bainhira partesipa iha kongresu da-ualu RENETIL iha CCD Merkadu Lama, Sexta 2/012.
Nia haktuir, hafoin restaura independensia estadu Republika Demokratika Timor-Leste hasoru dezafius oin-oin entaun dezafius sira ne’e sei boot liu tan bainhira ba situasaun dependensia mundu global tanba ne’e apela ba membru RENETIL sira atu hatudu sensibilidade hodi kontribui nafatin ba dezafiu sira ne’ebe estadu hasoru.
Nia salienta, RENETIL nu’udar organizasaun politika partidaria presiza politika klaridade atu sai politiku kualidade patriota bainhira membru ida embora partidaria organizasaun aumenta atu halo opsaun politika partidaria bele kontribui diak liu-liu ba partidu politiku ne’ebe pertense hodi hametin estadu no konkretiza libertasaun liu husi dalan RENETIL bele kontribui diak liu tan ba estadu.