Reportajen Joselina dos Santos
Deputada Bankada CNRT, Fenanda Lay durante ne’e nota katak populasaun uma-kain 12 iha Behala, RAEOA, ne’ebé afeta husi udan no anin boot iha loron 4 Abríl 2021, to’o agora seidauk hetan apoiu ba konstrusaun uma, no seidauk hetan apoiu sosiál husi Ministériu Solidariedade Sosiál no Inkluzaun (MSSI), foin hetan apoiu husi Protesaun Sivíl ba Emerjénsia.
Iha plenária, Deputada, Fenanda Lay husu Prezidente Autoridade sira atu resposta ho sériu problema ne’ebé populasaun sira hasoru tanba sira to’o iha fatin akontesimentu, populasaun lamenta, nune’e sira buka atu ko’alia ho autoridade maibé susar atu hetan no la iha resposta.
“Ha’u husu ba MSSI no mos RAEOA atu fó netik ajuda ba populasaun tanba iha loron 30 fulan Dezembru 2022, iha sedimentasaun bee ne’e la hasai ka la ke’e entaun bee nunka populasaun sira nia uma ne’e la’os populasaun nian tanba ne’e tenke iha maneira atu evita situasaun sira ne’e”, dehan Deputada Fenanda Lay iha Plenária Parlamentu Nasional, 17/01.
Deputada ne’e hatutan, dezastre naturais ne’e akontese iha fatin ne’ebé de’it maibé karik bele tenke iha prevensaun, sé ita iha mota, longu estrada husi Dili to’o mota ain, sedimentasaun iha ponte balun kuaze sai hanesan ponte, agora hein inundasaun estraga estrada to’o estraga komunidade nia uma mak foin book aan.
“Orsamentu Jeral Estadu (OJE), 2023 atu halo estrada no normaliza foun maibé sira dehan mina laiha, entaun sira kapasidade atu kaer estrada ne’e husi ne’ebé, ita iha ambisaun boot maibé kapasidade hela iha fatin, nune’e lalika ko’alia barak maibé simples de’it hala’o lai ida ne’e mak ko’alia tan sasan seluk atu ita lalika mehi iha prátika.” dehan Fernanda Lay