Reportajen Joanina Casamiro
Sekretariadu Tékniku Adiministrasaun Eleitorál (STAE) prepara ona sentru votasaun ba ema ho difisiénsia, liu-liu difisiénsia matan atu sira bele partisipa iha eleisaun no votasaun sein asisténsia hosi família no ofisial STAE sira.
Tuir Direitór Jeral, Acilino Manuel Branco, hatete STAE prepara sentru votasaun sira ba ema ho difisiénsia agora la’o hela, hanesan ita akompaña iha semana kotuk komesa aprova ona alterasaun lei iha komisaun A.
“Ita boot sira hatene ona iha ne’eba introdús medida balu bele fasilita liutan preparasaun levantamentu, kordenasaun tékniku balu halo ona mezmu lei agora fo dalan hela, maibé hakara garantia di’ak liu tan sidadaun sira nia direitu ho sektretu liu, iha ona medida tékniku karik lei fo dalan ita bele introdus iha eleisaun oin mai,” dehan Direitór Jeral STAE ba Jornalista iha Palasiu du Governu, 18/01.
Nia dehan, medida ne’ebé durante ne’e halo ba preparasaun eleisaun nian ne’e liu-liu inklui ema ho difisiénsia matan, tanba sira sempre hetan asisténsia hosi familia ou sira fo konfiansa ba ofisial balu hodi fasilita sira vota maibé sira nia hakarak atu vota mesak.
“Ha’u mos hanoin ona, hanesan órgaun tékniku ezekutador, prosesu hotu ita bele implementa nia tenke regula ho faze legal sira seluk, mais prevensaun para preparasaun tékniku ita antesipa hela kuadu iha legalizasaun prevé ona ita bele implementa, iha prosesu hela ne’e, unidade gráfika Munisípiu ho estrutura, tanba ne’e mak prosesu oprasionál sira ita sei para ona,” tenik nia.