Reportajen Joselina dos Santos
Prezidente Institutu Para Defeza Direitu das Criancas (INDICA), halo ona monitorizasaun hodi koordena hamutuk ho CNE, PDHJ, PNTL no MEJD hodi bandu labarik husi idade 17 mai kraik, labele uza atributu partidu polítiku nian, hodi envolve iha tempu kampaña no eleisaun parlamentár 2023, tanba ne’e husu ba inan aman sira atu kontrola oan sira. Importante tebes ba labarik sira hodi kontinua asesu ba Edukasaun, prosesu aprendijazen kontnua La’o bainhira iha eleisaun prosesu aprendijazen só bele para iha loron votasaun.
Prezidente Institutu Para Defeza Direitu das Criancas (INDICA), Dinora Granadeiro hateten INDICA hanesan institutu públiku Ida maibé ho nia mandatu atu halo promosaun no halo advokasia ba asuntu labarik, oinsá mak estadu bele tau importánsia ba asuntu labarik nian liga ho entidade, katak entidade nia papél mak atu asegura implementasaun konversaun direitu labarik iha Timor liuhosi plantasaun labarik.
“Labarik sira husi idade 17 ba leten bele envolve iha kampaña eleisaun parlamentar, maibe labarik sira husi 17 mai kraik labele envolve iha kampaña nia laran, tanba liga ba direitu protesaun sé mak sai autor prinsipal kuandu akontese problema hanesan asindente, violasaun iha tempu kampaña mak autor ba lei mak familia inan aman tanba la kontrola oan ho ida ne’e husi inan aman tenke kontrola oan sira no tau sira iha fatin ne’ebe seguru”, dehan, Prezidente Instituto Para Defeza Direitu das Criancas (INDICA), Dinora Granadeiro iha SEII Kaikoli, 14/04.
Nia haktuir, Karik inan aman mak envolve iha kampaña partidus politikus mak laiha ema seluk iha uma atu asegura nia oan nia bele lori, maibe tenke asegura katak nia oan ne’ebe nia lori ne’e labele uza atributu partidu nian no tau nia iha fatin seguru, tanba tuir INDICA nia observasaun dalabarak inan aman mak fó hatais uluk atributu partidu nian ba labarik sira, entaun bainhira ida ne’e akontese iha tempu kampaña mak INDICA sei hasai.
“Komunidade adultu sira iha obrigasaun atu fó protesaun ba labarik sira bainhira iha ita nia suku no ita nia aldeia mak ita haree iha labarik ne’ebe mai mesak ka Viziñu balun Mobiliza labarik sira hodi envolve iha tempu kampaña, ita iha obrigasaun fó hanoin atu labele lori labarik sira hodi envolve kampaña partidu politiku sira, maske lei Eleitóral la ko’alia buat ruma kona-ba bandu labarik sira maibe CNE iha obrigasaun tanba bainhira iha ona lei Ida ita labele halo tan lei seluk, entaun oinsá mak lei sira ne’e la’o hotu hodi fó protesaun ba sidadaun liu-liu ba labarik sira”, nia Dehan.
