Reportajen David da Costa
Assosiasaun HAK halo monitorizasaun ba partidu politiku sira nia kampaña durante ne’e, HAK identifika Partidu Frente Revolucionário Timor-Leste Independente (FRETILIN), uza sede suku Waili, iha postu Administrativu Baucau Vila, Munisipiu Baucau, hodi hala’o konsolidasaun ba partidu FRETILIN nian.
Diretór Ezekutivu Assosiasaun HAK, Feliciano da Costa Araújo, hateten, HAK hamutuk ho nia Rede Grupu Alvu Estratejiku (GAS) husi Munisipiu Baucau, ne’ebé hala’o Monitorizasaun ba Kampaña Eleisaun Parlamentar tinan 2023, hahú hosi loron 6-13 Maiu identifika iha partidu balun kontra regras ba Kampaña Eleisaun Parlamentar nian ne’ebé komete hosi Partidu Politiku, tanba halo Kampaña besik edifisiu Publiku sira.
Maibé iha artigu 12 Dekretu Governu kampaña no Propoganda eletora la bele besik edifisiu publiku, mas Partidu Frente Revolucionário Timor-Leste Independente (FRETILIN), uza fali sede suku Wailili, postu Administrativu Baucau Vila, Munisipiu hodi hala’o konsolidasaun ba partidu FRETILIN.
“Tuir Monitorizasaun HAK no Rede GAS sira haree katak iha loron 06 Maiu Partidu FRETILIN realiza konsolidasaun iha Suku Wailili , postu Baucau Villa utiliza edifisiu Sede Suku,” dehan Diretór Ezekutivu Assosiasaun HAK, Feliciano da Costa Araújo, liuhusi Konferénsia Imprensa, iha Edifisiu HAK Farol, Tersa 16/05.
HAK mos observa katak iha partidu balun mós Kontra Regulamentu Tránzitu, Iha loron 06 Maiu Partidu Unidade Dezenvolvimentu (PUDD) realiza komisiu iha Tasi Tolu, Militantes sira tuir kampaña la tau kapsete , Tuir Monitorizasaun ekipa HAK nia haree katak, Policia destakadu ne’ebe fo seguransa ba kampaña refere la halo intervensaun ba Militantante sira ne’ebe kontra regulamentu tranjitu.
Nune’e mós Mosu konfrontasaun Iha 13 Maiu, iha Mini Komisiu husi Partidu PLP ne’ebé realiza iha Fatin Kampaun “Mulia Waiaka” Mosu konfrontasaun husi joven sira , Tuir Monitorizasaun Rede GAS Munisipiu Baucau Observa katak, membru PNTL ne’ebé fó seguransa ba Mini Komisiu ne’e la’os ba netraliza situasaun, maibé halo agregasaun fisika hasoru joven sira no rejulta nain ida tama hospital emerjensia Horex Baucau.
Tanba ne’e, HAK husu ba parte relevante atu toma medida ka toma konsidersaun ba ida ne’e. nune’e mós Asosiasaun HAK husu ba PNTL atu asegura estabilidade nasional, ho nune’e Eleisaun Parlamentar tinan ne’e bele la’o ho susesu