Reportajen Joanina Casamiro
Nu’udar Juventude ida esperansa ba governu foun mai tenke nafatin Valoriza Valor Umanu Hadomi Povu Kbiit Lae Sira Tenke tau Interese Nasional hodi Desenvolve Rai Timor-Leste.
Filipe Marques de Jesus hateten iha eleisaun parlamentar 2023-2027 ne’e se governu foun sa’e mai karik tenke ukun ho fuan la bele ukun ho kor tenke kria paz no dame iha rai doben ida ne’e tau mos importansia povu sira neebe hela iha area rurais sira, no mos ba tau importante ba Edukasaun, Saúde no ba ema ho difisensia sira.
“Hau husu ba Governu foun sira katak investe makas ba edukasaun, hadia kualidade edukasaun husi aspetu hotu hotu, area infrastrutura, involve historia nasional iha kurikulum edukasaun, fornese biblioteka minimu iha nivel pre-sekundaria to nivel universitariu ba kada area estudu sira, fornese komputador ba sekundaria sira hodi aprende komputador, fornese kadeira no meza ba estudante sira, loke bolsu estudu iha area edukasaun ba nivel estudu oioin hodi eleva kualidade lideransa ho mindsets transformativu” Dehan Filipi ba Neon Metin liuhosi evia Telefoni Domingo 21/05/23.
Iha sorin seluk hanesan Anarela Lobato Pacheco hateten nu’udar joven ida nia esperasan ba governu foun nia hakarak ukun ho paz no dame iha Timor-Leste liu-liu hare ba joven sira loke kursus no atividade sira atu nune joven feto sira mos bele partisipa atividade sira hotu.
“Hanesan joven husu ba governo foun atu tane aas edukasaun tamba joven mak futuru ba nasaun, se futuru ba nasaun edukasaun menus ne joven sira bele lakon edukasaun. No nasaun sei la ba oin kuando edukasaun lakon.tau mos importansia ba Joventude sira iha ita nia nasaun doben ida ne’e atu nu’une ita ho ita la bele kria problema ba malu”, dehan Anarela ba Neon-metin iha fatin Sentru Votasaun Eskola Primaria Aldeia 17 de Abril Suku Metiaut, 21/05/23.
Iha parte seluk hanesan Octavio Pacheco Barbosa hanesan Joventude ida esperansa ba governu foun 2023-2027 Sese mak povu fo fiar atu ba ukun karik tenke tau importante ba Edukasaun, Agrikultur, Saúde, Estrada, Elestrisidade no problema saida de’it mak povu hasoru tenke tau matan tenki ba
” Ha’u Nia Esperanca Hakarak imforma Ba estadu katak Ita tinan 2023 Karik povu tau fiar ba Ida Ne’ebe lori ukun ba parlamentu Tenki kria Campo de Trabalho ba Joven Sira Ne’ebe tinan ba tinan rihun ba rihun Simu Graduasaun nee Atu sira Hetan Servisu no Tenki iha Damen no Domin no Fuan hakuak povu tomak“, Dehan Octavio Pacheco ba Neon-metin liuhosi evia Telefoni.21/05/23.
Alende nee nia mos rekomendasaun husu ba governu foun 2023 Karik povo tau Fiar ba Se’e Deit Mak ukun Tenki haklaken Damen Domin no Esperansa ba governu foun mai tenke tau matan importante ba Joventude sira neebe remata ona sira nia estudu iha univesitariu maibe kampo traballu sei la iha ba sira.