Reportajen Umbelina dos Reis
Organizasaun Resisténsia Nasional Estudante Timor-Leste (RENETIL), ohin selebra nia aniversariu ba dala-XXXV, ho ida ne’e RENETIL realiza Seminar ho tema “sistema saúde nu’udar Instrumentu ba Libertasaun Povu”.
Sekretáriu Jerál RENETIL Joaquim Fonseca Rusuo hateten, objetivu prinsipal hosi diskusaun ne’e ko’alia kona-ba sistema saúde iha Timor-Leste, oinsá sosiedade sira ne’ebé halo tratamentu iha ospital la seguru nafatin, no ema fila sempre mate, ho situasaun ne’e mak RENETIL selebra nia aniversariu ba dala-XXXV loke mós ho diskusaun kona-ba sistema saúde nu’udar Instrumentu ba Libertasaun Povu.
“RENETIL hahú diskusoens iha tempu naruk ona, maibé agora aumenta hahú buat foun ne’ebé ativu liu tan iha formasaun hodi uza oportunidade hanesan ne’e hodi halibur malu bele sai hanesan baze ba diálogu polítiku ho governu no médiku sira ne’ebé servisu iha sistema saúde,” Dehan sekretáriu jeral RENETIL Rusuo ba Jornalista sira iha Centru Nasional Chega Antigo Komarka Balide, Tersa 20/06.
Nia hatutan Organizasaun RENETIL nia laran realiza formasaun ba juventude no públiku moris iha nasaun ne’e oinsá, dinamika ba juventude polítiku, tanba partidu balun mós ladun iha abitu kona-ba kestaun diskute iha públiku, hosi diskusaun ne’e oportunidade ba sira atu rona públiku nia pensamentu ba sétor edukasaun saúde infrasturtura.
RENETIL nia observasaun ba prosesu eleisaun parlamentar 2023, hahú hosi kampaña eleitoral to’o kontajen de votu, rejista pontu de vista ne’ebé partidu polítiku sira hato’o iha kampaña sekarik sira ba ukun. Esperansa tenki promesa relasiona ho sistema saúde nian, espetativa hosi RENETIL governu sei nakloke bele diskute ema hotu ne’ebé iha poténsial atu kontribui ba nasaun.
Iha fatin hanesan estudate Medisina Jerál husi Universidade Katolika Timor (UCT), Maria Nandita hateten, Ohin selebra organizasaun RENETIL nia aniversariu ba dala-XXXV, halibur malu iha CNC, pesoalmente bele hetan oportunidade di’ak tanba tuir diskusaun no rona matéria sira kona-ba sétor saúde no edukasaun infrasturtura nian, oinsá pesoal saúde halo atendimentu di’ak, oinsa sira jere orsamentu ne’ebé aloka hosi estadu ba Ministériu Saúde (MS) nian, inklui mos oinsá sentru saúde sira presija kurativu pasiente sira ho di’ak.
“Atendimentu ne’ebé seguru ne’e fila fali ba kada pesoal bazeia ba ema nia konsiénsia, tanba sira sei faila iha jestór médikamentu sira audu stock, saláriu ne’ebé ladun favoravel, diskusaun refere mos sira ko’alia kona-ba ai-moruk paracetamol, nu’udar pesoal saúde ai-moruk paracetamol sai hanesan ai-moruk báziku hodi responde ba estimulasaun isin lo-lon nian” Nia dehan.
Nuneé iha Selebra aniversariu RENETIL ba dala-XXXV, RENETIL realiza Seminar ho tema “Sistema Saúde Nu’udar Instrumentu ba prosesu Libertasaun Povu.” Oradór hosi diskusaun refere Doutór Marcelino Correia, Doutór Flavio Bradão, Doutora Telma Oliveira Cortereal.
Entertantu Partisipante hosi seminariu refere mai husi membru Resisténsia Nasional Estidante Timor-Leste (RENETIL), Organizasaun JUVENIL, Estudante Universitariu siira iha Dili laran, Partidu Polítiku, organizasaun ASEPOL no organizasaun vitima sira.