Reportajen Filomena da Conceição
Traballadór Timor-oan Nain 10 hamutuk ho Sindikatu-TRABALIAN Timor nian, ohin halo Asaun hasoru Kompaña PALIPON, LDA (Hotel Esplanada), tanba kompañia refere la selu traballadores nia direitu no la bolu fali traballadores sira ba servisu iha kompañia, bainhira Hotel Esplanda ne’e loke fila fali.
Traballadóra Natalicia Ricardo Soares, hateten, durante tinan rua Kompañia PALIPON, LDA (Hotel Esplanada), la selu traballadores sira, razaun tanba iha Timor-Leste virus Corona tama ona, no sira fó hateten ba traballdores sira katak bainhira hotel loke fali sei bolu fali traballador tuan sira ne’e atu servisu, maibé realidade oin seluk fali la bolu fali traballadores tuan no sira rekruta fali traballadores foun, ho ida ne’e maka ohin mai halo asaun greve hasoru Kompaña PALIPON, LDA (Hotel Esplanada), tanba la simu desisaun kompaña nian.
“Durante tinan rua sira la selu ami no bainhira Covid-19 tama iha Timor, maibé Patraun hateten ami tan Corona, ne’ebé Airoportu taka Tuirista sira la mai, ne’ebé imi staf sira hotu-hotu tenke kompriende situasaun ne’e, bainhira Corona hotu hotel loke fali, ha’u sei bolu imi staf hotu-hotu mai servisu, no iha momentu ne’e nia fó suspendesaun durante fulan (6) ba traballadores sira, maibé bainhira situasaun normal no kompaña mai loke fali hotel laiha inkontru ho ami, depois ami mai hasoru kompaña na’in sira hasai ho liafuan kasar mai ami dehan katak sai no ami la presiza ona imi, no imi para ona imi nia servisu ne’e, hau sei presiza staf foun ho nune’e ami la simu desizaun ne’e tanba la tuir Lei artigu 55 ho 56,” dehan Portavoz Traballadores Natalicia ba jornalista sira, iha kompaña PALIPON pantai Kelapa, Segunda 26/06.
Nia konta, Momentu ne’ebá Kompaña haruka Traballadór sira ba iha SEFOPE no hasoru iha xefe departamentu hodi halo mediasaun, maibé nain ba kompaña la simu no lakohi selu nafatin Traballadór nia direitu, no nia amiasa ho Presidente da República nia naran ba Traballadór sira, no momentu ne’ebá rezolve duni no Presidente nia Gabinete to’o kedas ne’ebá, maibé momentu ne’ebá diretór SEFOPE tun direita hodi ko’alia ho Traballadór sira katak labele lori problema ne’e ba, tanba Traballadór mesak feto deit ho nune’e Traballadór sira la simu tanba rezolve la tuir lei ne’ebé vigora iha Nasaun RDTL.
Iha fatin hanesan, portavoz Sindikatu- TRABALIAN Julitu Benevides, hateten, Sindikatu-TRABALIAN simu keixa husi trabaihadór nain 10, husi kompaña PALIPON, LDA (Hotel ESPLAN ADA) ne’ebé maka la selu sira direitu. Tanba durante ne’e, traballdores sira halo servisu tinan barak iha kompaña ne’e no sakrifisiu ne’ebé sira halo no fó rendimentu barak ba parte kompaña no goza barak, maibé tan covid sira soe trabalhardor sira no la selu sirania direitu.
“Lolos traballdores nia direitu ne’e nu’udar direitu fundamental ida ba trabalhardor nian, ita labele diskute tanba sira hala’o tiha ona sira-nia dever nu’udar trabalhardór tenke fó mós sira-nia direitu para sira buka fali fatin seluk. Ami nia exigências ne’e hakarak sira fila fali ba servisu,” nia haktuir.
Tanba objetivu prinsipal husi estadu ne’e atu hatama investór sira mai atu ajuda estadu hodi fó servisu ba Trabalhardor sira la’os intensaun atu explora de’ it sira nia matenek, moral ho sira nia oras maibé atu fo moris di’ak ba Traballadór sira.
Ho ida ne’e, Sindikatu- TRABALIAN Timor nian husu ba parte estadu liuliu ba parte relevante atu toma atensaun mos ba direitu taraballdores sira nian