Reportajen Zevonia Vieira
Governu Japaun apoiu osan $90,967 liu husi ninia programa Fundu Asisténsia ba Projetu Komunitariu e Seguransa Umana (GGP), hodi konstrui edifisiu eskola foun iha Leusari Munisipiu Lautem.
Liuhusi komunikadu imprensa ne’ebe Neon Metin asesu informa katak programa Fundu Asistensia hodi apoiu eskola foun ida ho sala de aulas tolu, no sentina sira hodi fo benefísiu ba estudante hamutuk 250, Profesores nain 24 no funsionáriu eskola ha EBC Leusari.
Iha loron seremonia 24 Junu, Kazumi YAMADA, Chefe-adjunto de Missão Embaixada Japaun, Kazumi Yamada ne’ebe partisipa iha seremonia inaugurasauniha Eskola Basico Central Leusari iha Suku Serelau, Postu Administrativu Lautem, Munisipiu Lautem hato’o sentimentu haksolok ba komunidade sira iha suku Serelau katak Fundasaun Amizade Tamba Amor (FUNDAMOR) ne’ebe implementa ona konstrusaun edifísiu eskola ne’e ho kapas tebes.
Nia husu estudante sira atu tau matan edifísiu eskola ho moos no la bele estraga, “Estuda mak sei hariku imi nia moris no haluan imi nia oportunidade ba futuru. Tau matan edifísiu eskola ne’e ho moos no la estraga mak sei ajuda mos imi nia alin mane no feto sira, ne’ebé tuir mai atu aprende iha futuru”.
Nia mos fo hanoin atu labele haluha fase liman depois uza sentina ka antes han meudia no merenda, tanba ne’e sei halo ita saudavel nafatin no prevene ita husi moras.
Hahu husi lansamentu projetu dahuluk iha tinan 2000, projetu hamutuk 136, mak implementa ona liu husi eskema GGP iha Munisipiu 14 iha teritoriu Timor-Leste tomak. Projetu sira ne’e liu-liu fornese asisténsia ba infraestrutura komunitária sira, inklui konstrusaun no reabilitasaun ba fasilidades eskola, postu saude sira no sistema abastesimentu bee moos hodi responde ba komunidade sira nia nesesidade báziku oioin iha nivel baze.
Iha seremonia inaugurasaun ne’e partisipa mos husi Ministru Edukasaun, Juventude no Desportu (MEJD), Armindo Maia, ofisiáis governu lokál husi autoridade relevantes, partes interessadas, profesores, funsionáriu eskola no estudante sira.
Ba projetu ne’e, Governu Japaun apoiu osan ho montante $90,967 (dolar amerikanu rihun sia nulu atus sia neen-nulu resin hitu) liu husi ninia programa ida ho naran Fundu Asistensia ba Projetu Komunitariu e Seguransa Umana (GGP). Liu husi programa ne’e, suporta konstrui ona edifísiu eskola foun ida ho sala de aulas 3 (tolu) no sentina sira hodi fó benefísiu ba estudantes hamutuk 250 (atus rua lima nulu) no profesóres hamutuk 24 (ruanulu resin haat) no funsionariu eskola sira iha Eskola EBC Leusari.
Hahu husi lansamentu projetu dahuluk iha tinan 2000, projetu hamutuk 136 (atus ida tolu nulu resin neen) mak implementa ona liu husi eskema GGP iha Munisipiu 14 (sanulu resin haat) iha teritoriu Timor-Leste tomak. Projetu sira ne’e liu-liu fornese asisténsia ba infraestrutura komunitária sira inklui konstrusaun no reabilitasaun ba fasilidades eskola, postu saude sira no sistema abastesimentu bee moos hodi responde ba komunidade sira nia nesesidade báziku oioin iha nivel baze.
