Reportajen Filomena da Conceição
Ministru Juventude Desportu, Arte no kultura, (MJDAK), Nélio Isac Sarmento hateten, governu da-IX mai ho ninia programa oi-oin, maibé governu agora ne’e laiha komitmentu atu taka organizasaun Artemarsias iha Timor-Leste no sei suspende de’it grupu Artemarsiais sira banhira sira kria problema iha sosiedade ka komunidade nia le’et.
“Governu ida ne’e laiha komitmentu atu taka Artemarsias, maibé governu suspende arte-marsiais, signifika tanba ita lembra tinan 3 ba kotuk ne’e ita iha problemas beibeik kona-ba artemarsias, uma hira maka éstraga, ema hira maka mate, inan hira maka tanis tanba de’it lakon sira-nia oan no lakon sira-nia sasan, tanba ita nia estadu ne’e presiza estabilidades ne’ebé di’ak, atu fó oportunidade bai ta hotu-hotu atu halo atividades, ita labele para ita nia atividades tanba de’it grupu Artemarsiais,” dehan Ministério Juventude Desportu, Arte i kultura, (MJDAK), Nélio Isac ba jornalista sira, bainhira remata serimónia Hand Over iha SEJD, segunda 3/07.
Maibé nia fiar grupu Artemarsias laiha ida maka hanoin halo Karime, grupu Artemarsias ida-idak hatene ninia funsaun mas iha ema ida ka rua ne’ebé in-responsabilide uza Artemarsiais nia naran rasik no estraga ema hotu-hotu no estraga Artemarsias nia naran.
Tanba ne’e, governu ida ne’e mai atu kria kondisaun ne’ebé diak ba sira, atu nune’e bele muda grupu Artemarsias fila fali grupu organizasaun Artemarsias desportivas atu bele hanoin ba oin no haluhan tiha krime, tanba krime la’os solusaun maibé oinsa atu halo pertandingan ka salva nia an no nian rai rasik, tanba atleta ne’ebé kualifiKadu liu sei reprezenta Nasaun Timor-Leste.
Nia esplika, durante tinan 24 ona, Timor-Leste adopta organizasaun Artemarsias husi Indonésia, tanba ne’e, Artemarsiais sai hanesan mós identidade Timor nian, mesmu mai husi Indonésia, ho nune’e Timoroan lubuk ida maka sente katak arte ida ne’e sai ona âmbitu ka abut ida iha nasaun ne’e, hodi sira tau ba iha pratika lor-loron no sai arte ida ba sira hodi salva an no kria unidade.
Alende ne’e mós nia ko’alia Governu mai ho nia programa rasik, tanba Kualker dezenvolvimentu iha seitor hotu, nia xave prinsipál mak populasaun Timor nian, no kaze 80% maioria ho idade joven, portanto ida ne’e hanesan responsabilidade ida mós oinsá mak atu hamosu indentidade ida ba Timorense hotu-hotu atu halo marka diferensa, entre Timor ho país sira seluk.
“Ha’u seidauk bele avansa ho hanoni balun tanba governu ida ne’e sei mai ho ninia progrma ne’ebé estratejikus ba area Juventude Desportu Arte e Cultura, ha’u buka identifika konsolidasaun internal hodi haree to’o diresaun sevi funsiona no buka funsionamentu legal ba instituisaun ne’e”.
Maibé iha 120 dias, MJDAK nia hanoin katak Problema lubuk ida mak presiza urjentimente atu solusiona liuliu problema internal sira ne’ebé mai husi kedas problema anterior sira, buka atu solusiona ho Profisional para maksimiza instituisaun nia funsionamentu ba programa sira Arte e Cultura no liuliu ba programa Desportu tanba presiza aselera.