Reportajen Zevonia Vieira
Governu Reino Unidu anunsia iha Kuarta, 19 Jullu relata katak, ho efeitu imidiatu, nasionalidade Timor-oan hotu-presiza iha vistu Reinu Unidu nian, antes viajen ba Reinu Unidu, inklui viajen vizita nian.
Liuhusi komunikadu imprensa ne’ebe Neon Metin asesu, ne’ebe publiku husi Embaixada Reino Unidu iha Jakarta – Indonesia esplika katak, desizaun regulamentu kona visa nian halo tanba kresimentu bebeik ho numeru signifikante nasionalidade Timor-oan mak lakohi halao vizita tempu badak nian, maibe tama iha Reinu Unidu laos nudar vizitante loloos, ho intensaun atu serbisu iha Reuni Unidu ilegalmente, no dala barak fraudulentamente reklama nudar dependente hosi ema nasionalidade UE ho estatuta establesidu ka hela iha Reuni Unidu.
Desizaun atu impor rejime vistu ba nasionalidade Timor-oan sira ne’e lori ami tama iha liña ida ho pratika parseiru internasional sira, inklui Irlanda, EU Amerika, Canada ho Nova Zelandia.
Mudansa sira ne’e, tama efetivamente aplika imediata, sei aplika ba nasionalidade Timoroan hotu-hotu mak tama ba Reinu Unidu. Maibe, sei iha periodu tranzisaun durante semana-hat to’o oras 15:00 BST (tempu veraun Britanika nian) Kuarta 16 Agostu, no durante tempu ne’e vizitante sira mak rezerva sira nia viajen antes 15:00 BST 19 Julho sei bele tama ba Reuni Unidu la uza vistu.
Applikasaun vistu submete no selu tuir online iha www.gov.uk/apply-to-come-to-the-uk hafoin aplikante sira marka tiha ona ho Sentru Aplikasaun Visa nian no fo sira nia biometric no entrega sira nia pasaporte. Governo Reinu Unidu hakarak prosesa aplikasaun hotu-hotu iha loron 15 nia laran tuir loron serbisu Reinu Unidu nian bainhira simu tiha ona pasaporte ho biometric no aplikante sira bele hatama aplikasaun fulan tolu antes.
Kustu ba vistu ida atu tama multiplu durante fulan nen (6) ba Reinu Unidu bele hetan iha Visa fees – GOV.UK (www.gov.uk). Vistu ho validade kleur liu mos disponivel.
Nasionalidade Timor-oan mak rezerva sira nia viajen ba Reinu Unidu antes 15:00 BST 19 Julho 2023 sei bele tama ba Reinu Unidu la ho viza to’o 15:00 BST Kuarta 16 Agostu 2023. Pasajeiru se deit mak tama depois de 16 Agostu sei eziji atu iha vistu tama ba Reuni Unidu no la interese nia rezerva tiha ona nia viajen ba bainhira deit. Se deit mak mak rezerva nia viajen hafoin 15:00 BST 19 Julho mos presija iha vistu, maski sira atu tama antes 15:00 BST 16 Julho.
Vizitantes Timor-oan mak iha ona Reinu Unidu sei la afetadu ho reqerementu foun ne’e ba durasaun tempu sira nia vizita nian, maibe bainhira sira sai hosi Reinu Unidu ona, no atu tama fali sira sei presija hetan vistu Reinu Unidu nian.
Nasionalidade Timor-oan tuir reqerementu tenke hetan vistu ba objetivu seluk (laos-vizita nian), ba eskola ka serbisu. Aplikantes estudantes ka ba visa seluk bele kontinua aplika nafatin, hanesan halo tiha ona iha tempu sira liuba.
